Греция- Кот-Д'Ивуар. ПРЕВЬЮ

Бунинг учун ҳар икки жамоадан ғалаба қозониш талаб этилади.

Дастлабки икки турда яхши ўйин намойиш қилмаган ва бирорта гол урмаган Греция плей-оффга чиқиши учун рақибни йирикроқ ҳисобда доғда қолдириши талаб этилади. Акс ҳолда, греклар уйга қайтишга мажбур.



Бошқа тарафдан иқтисодий инқирозга юз тутган мамлакат жамоасининг жаҳон чемпионати финал босқичида иштирок этишининг ўзи катта муваффақият. Кацуранис ўтган турдаги қизил карточка туфайли беллашувни ўтказиб юборади. Унинг ўрнини Сантуш катта эҳтимол билан Карагунисга топширса керак. Ҳужумда эса Самарасга Гекас ёки Митроглудан бири ёрдам бериши кутилмоқда.



Ивуарликлар эса барчасини ўзлари ҳал этиб қўйишлари мумкин. Бунинг учун Сабри Лямуши шогирдларидан камида мағлубиятга учрамаслик талаб қилинади. Зокора дисквалификация сабабли ўйнай олмайди. Ака-ука Турелар оиласидаги кўнгилсизлик барчанинг диққатини ўзига тортди. Коло ва Яянинг укаси Иброҳим саратон касаллиги туфайли ҳаётдан кўз юмди. Унинг хотираси учун ҳам мазкур ўйинда Турелар бор кучларини сарфлаб, жамоанинг нимчорак финалга чиқишига ҳисса қўшишга интилишади. Шу тариқа Ивуарнинг илк бор гуруҳ босқичидан муваффақиятли ўтганини укаларининг хотирасига бағишлашлари мумкин.

Жамоалар ҳозирга қадар умуман тўқнаш келмаганлар. Бугунги беллашув улар учун илк ўзаро учрашувга айланади. Тахминлар Африка қитъаси вакили тарафига янграмоқда.



ГРЕЦИЯ - КОТ-Д'ИВУАР
01:00. Форталеза. "Касталан" стадиони.
Бош ҳакам: Карлос Вера (Эквадор).
Тахминий таркиблар
Греция: Карнезис - Торосидис, Папастатопулос, Манолас, Холебас - Салпингидис, Коне, Маниатис, Карагунис, Самарас - Митроглу.
Кот-д'Ивуар: Барри - Орье, К. Туре, Бамба, Бока - Дие, Тиоте - Калу, Яя Туре, Жервиньо - Дрогба.
Дисквалификация қилинганлар: Кацуранис - Зокора.