Гейнрихнинг голи "Актобе"га ғалаба келтирди!

Ҳамюртларимиз иштирок этаётган клубларнинг натижалари билан таништирамиз. 

"Иртиш" ўз уйида "Атирау"ни қабул қилиб 1:0 ҳисобида зафар қучди. Ўйинда Улуғбек Бақоев тўлиқ ўйнаган бўлса, Камолиддин Мурзоев майдонга тушмади. "Иртиш" 25 очко билан мусобақа жадвалининг 6-поғонасида бормоқда.

"Иртиш" - "Атирау"
Гол: Чернишов, 58 (1:0)

"Жетису" ҳам ўз уйида ўйин ўтказди. Клуб "Остона"ни қабул қилиб дуранг қайд этди - 1:1. Ўйинда майдон эгалари сафида Шавкат Саломов 90 дақиқа ҳаракат қилган, Руслан Мелзиддинов эса 87-дақиқада захирадан майдонга тушган. "Жетису" 18 очко тўплади ва 8-ўринга чиқиб олди.

"Жетису" - "Остоно" 1:1
Голлар: Куат, 27 (0:1). Климавичус, 32 (1:1)

"Актобе" ўз майдонида "Тараз" устидан қийин ўтган ўйинда ғалабага эришди - 3:2. Ғалаба тўпини 86-дақиқада ҳамюртимиз Александр Гейнрих киритди! Тимур Кападзе тўлиқ ўйнаган бўлса, Гейнрих 81-дақиқада майдонга туширилган. "Актобе" 43 очко билан мусобақа жадвалида мутлоқ пешқадам бўлиб турибди. Иккинчи ўриндаги "Остона" ҳисобида 34 очко мавжуд.

"Актобе" - "Тараз"
Голлар: Хайруллин, 36 (1:0). Обиора, 38 (1:1). Давидов, 41-пенальтидан (2:1). Воротников, 78 (2:2). Александр Гейнрих, 86 (3:2)