Футзал. Ўзбекистон терма жамоаси гуруҳ босқичини қайси ҳудудда ўтказади?
28 май 20:02
Янгиликлар

Футзал. Ўзбекистон терма жамоаси гуруҳ босқичини қайси ҳудудда ўтказади?

Мундиалга мамлакатимизнинг учта шаҳри мезбонлик қилади.

14 сентябрдан 6 октябрга қадар Ўзбекистонда футзал бўйича эркаклар ўртасидаги жаҳон чемпионати ўтказилади. Мундиалга Тошкентдаги "Ҳумо Арена", Бухоро ва Андижон вилоятларидаги "Универсал" спорт комплекслари мезбонлик қилади.

Хосе Венансио Лопес мураббийлигидаги Ўзбекистон терма жамоаси гуруҳ босқичидаги барча учрашувларни потахтдаги "Ҳумо Арена" спорт мажмуасида ўтказади.

Жумладан, ҳамюртларимиз 14 сентябрь куни Нидерлания, 17 сентябрь куни Парагвай ва 20 сентябрь куни Коста-Рикага қарши майдонга тушади.

"Оқ бўрилар" гуруҳда биринчи ёки иккинчи ўрин билан кейинги босқичга чиққан тақдирда ҳам 1/8 финал ўйинини Тошкентда ўтказади. Фақатгина гуруҳда 3-ўринни эгаллаган жамоа плей-оффга йўл олган тақдирда, Бухорога сафар уюштиради.

Шунингдек, "А" гуруҳидаги Нидерлания — Парагвай учрашувига ҳам ушбу вилоят аренаси мезбон бўлади.

Ҳавола :

Манба : championat.asia

Янгиликларни Телеграмда ўқинг!

Рейтинг: +9