Футзал. ОФК сайти АГМКни дебютант деб ёзди
31 июл 2018 12:32
Янгиликлар

Футзал. ОФК сайти АГМКни дебютант деб ёзди

1-12 август кунлари Индонезияда футзал бўйича клублар ўртасидаги Осиё чемпионати бўлиб ўтади.

Бунда Ўзбекистон шарафини АГМК футзал клуби ҳимоя қилади. Маълумки, ушбу жамоа мазкур мусобақада учинчи бор иштирок этяпти. Лекин нима учундир ОФК расмий сайти барча гуруҳларни таништираётганда "D" гуруҳида кураш олиб борадиган АГМКни турнир дебютанти деб берди.

Таништирувда шундай дейилган: Ўзбекистон номидан бу мусобақада янги чемпион АГМК футзал клуби қатнашади. Аввалги икки йил "Олмалиқ" иштирок этганди, 2014-2015 йиллари "Локомотив" қатнашган. Ўзбекистон терма жамоаси Хитой Тайпейида ўтказилган ОФК футзал чемпионатида 3-ўринни эгаллаганди. АГМК ҳам шу натижани такрорлай олишини вақт кўрсатади".

Аслини олганда, АГМК футзал бўйича клублар ўртасидаги Осиё чемпионатида кетма-кет учинчи йил иштирок этади. Фақат жамоа номи "Олмалиқ"дан АГМКга ўзгаргани ОФКдагиларни бефарқ қолдирган бўлса керак. Тўғри, АГМК номи мусобақада дебютант, лекин жамоа эмас.

Ҳавола :

Манба : the-afc.com

Янгиликларни Телеграмда ўқинг!

Рейтинг: +11