UZ

Сўнгги янгиликлар

19:33Пепе Рейна фаолиятини якунлади: Афсонавий дарвозабон футбол билан хайрлашди  2 19:10Ўзбекистон Кубоги. "Сўғдиёна" – "Хоразм ФА" 4:0 (онлайн ҳисоб)  2 19:06Лига 1 2024/25 йилги мавсуми рамзий жамоаси эълон қилинди  1 18:41Тошкентда ютган мураббий ва футболчи, мавсумдаги илк ғалабага эришган посбон, "Жар"да супергол урган футболчи — Суперлигада 10-турнинг энг яхшилари  0 18:26Бундеслига 2024/25 йилги мавсуми рамзий жамоаси эълон қилинди  2 17:49Токотаев, Кичин, Алмазбеков, Мерк, Кожо... Қирғиз Республикасининг КХДР ва БААга қарши учрашувлар учун кенгайтирилган таркиби маълум  7 17:24Жиянов, Исмоилов, Бубанья, Жумаев ва бошқалар... Суперлига 10-тур рамзий терма жамоаси   0 16:43Дэвид Бекхэм Рубен Аморимнинг МЮдаги фаолияти ҳақида: "Уни қўллаб-қувватлаш керак, кейин натижани кўрасиз"  1 16:16ЎФА мураббийлар кенгаши йиғилишида МТЖнинг ЖЧ саралаши ва U-17 термасининг мундиалга тайёргарлиги муҳокама этилди  2 15:52Остон Ўрунов: "Ўтган мавсумдан сўнг етарлича дам олмаганим ва тиғиз тақвим туфайли мукаммал жисмоний ҳолатга кира олмадим"  11 15:27Кака Бразилия терма жамоасида Карло Анчелоттига ёрдам бериш истагини билдирди  3 14:59Ҳимояда ҳеч қандай муаммо бўлмайди. "Реал"нинг 4 нафар ҳимоячиси КЖЧда иштирок этиши мумкин  1 14:35Аббос Файзуллаев кечаги хатоси учун ЦСКА мухлисларидан кечирим сўради  11 14:08Агент Клоппнинг "Рома"га тайинлови масаласида баёнот берди  3 13:44ЎФА вакиллари "Шўртан" футбол академиясида бўлди  0

Футзал. "Машғулотлардаги ишланмаларимиз ўйинда унутилмоқда" — мураббийларнинг бугунги ўйинлар ҳақидаги фикрлари Янгиликлар

Футзал. "Машғулотлардаги ишланмаларимиз ўйинда унутилмоқда" — мураббийларнинг бугунги ўйинлар ҳақидаги фикрлари

Футзал бўйича Ўзбекистон Олий лигаси 4-тур ўйинлари ўтказилмоқда.

Искандар Маҳмудов ("Строител-Зарафшон" футзал жамоаси бош мураббийи):

- Ниҳоят, шогирдларим мен нима хоҳлаётганимни, нималар ўргатаётганлигимни оз бўлса-да, амалда кўрсата олишди. Майдонда иккита тенг кучли жамоалар ҳаракат қилишди ва ҳисоб ҳам шунга яраша бўлди.

Аслида учрашувнинг сўнгги дақиқасигача ташаббус ҳам, ҳисоб ҳам бизнинг фойдамизга ишлаётган эди. Лекин беш ўйинчига қарши курашишда йигитларимизга тажриба етишмади. Ваҳоланки, машғулотларда бунинг устида кўп ишлаяпмиз, аммо майдонда ўрганган амаллар унутиляпти. Демак, ҳали кўп ишлашимиз керак экан.

Дилшод Ҳайдарқулов ("Динамо" футзал жамоаси бош мураббийи):

- Учрашувни оғир бошладик, шунинг эвазига биринчи бўлимда дарвозамиздан гол ўтказиб юбордик. Таркибимиз ёш йигитлардан ташкил топгани учун бироз тажриба етишмаяпти. Бир неча голли вазиятлар содир этишяпти, лекин улардан фойдалана олишмаяпти. Ҳатто бир гал очиқ дарвозага ҳам гол ура олмадик. Лекин барибир шогирдларим охиригача курашишди, айнан сўнгги дақиқаларда ҳисобни тенглаштириб, бир очко бўлсада қўлга киритишга муваффақ бўлишди. Айниқса захира дарвозабонимиз Икром Каримов жамоадошларини мағлубиятдан қутқаришда жонбозлик кўрсатди.

Аҳаджон Юсупов ("Локомотив" футзал жамоаси бош мураббийи):

- Бугун машғулотларда нимани ўрганган бўлсак, шогирдларим майдонда шуни кўрсата олишди. Кеча биздан омад юз ўгирган бўлса, бугун кулиб боқди. Шунинг учун буни футбол дейишади, бугун унақа, эртага бунақа. Қолаверса, рақиб жамоанинг захира ўриндиғи қисқа бўлганлиги ҳам бизнинг фойдамизга ишлади – рақибимиз чарчаб қолди, бундан биз унумли фойдаландик.

"Насаф" жамоасида олти футзалчи бор, улар муносиб қаршилик кўрсатишгани учун раҳмат айтаман. Кейинги ўйинларни ҳам шу даражада давом эттириш устида 

Алишер Юсупов ("Насаф" футзал жамоаси бош мураббийи):

- Йигитларимиз бугун умуман ўз ўйинини ўйнашмади. На тактикада, на техникада ва на ҳужуму ҳимояда аввалги ҳаракатларини такрорлай олишмади. "Локомотив" эса кеча мағлубиятга учрагани учун ҳам бугун майдонга бутунлай бошқача кайфиятда тушди. Майдоннинг ҳар қаричида жанговор кураш олиб боришди. Уларни ғалаба билан табриклайман.

Иккинчи даврага янада жиддийроқ тайёргарлик кўрамиз.

Баҳодир Аҳмедов ("Ҳуахин-Жиззах" футзал жамоаси бош мураббийи):

- Ўйинни қийин бошладик. Шогирдларимда эски касаллик такрорланди – ҳужум қилади, вазият яратади, лекин дарвозага гол ура олмайди. Яхшики, сўнгги беш дақиқада ўз ўйинларини топишди. Беш дақиқада тўртта гол уриб, устунликни ўз қўлларига олишди.

Фарғоналиклар таркибида тажрибали футзалчилар бор. Етарлича қаршилик кўрсата олишди. Бунинг учун уларга миннатдорчилик билдираман. Асосий мақсадимиз биринчи давранинг сўнгги турини ҳам кўтаринки руҳда ўтказиш эди ва биз бунга эришдик.

Фарруҳ Зокиров ("Нефтчи" футзал жамоаси бош мураббийи):

- Чемпионат фаворитига қарши тўп суриш ҳаммага ҳам осон эмас. Кутилганидек, халқаро тажрибага эга жиззахликлар ўйинда яқол устунлик қилишди. Кеча "Бунёдкор"га қарши кўп ҳаракат қилганимиз, захира ўриндиғимиз қисқалиги сезилди.

Ғалаба билан рақиб жамоани табриклайман. Иккинчи даврада ўйин услубимизни янада бойитишга ҳаракат қиламиз.

Равшан Ражабов ("Металлург" футзал жамоаси бош мураббийи):

- Ўйин қийин кечди. Танлаган тактикамиз иш берди. Ҳимояда тартибли ўйин кўрсатиб, вазият пайдо бўлди дегунча ҳужумга отланиш кўрсатмаси берилганди. Шогирдларим режамни бажаришди. Бу турда юз фоизли натижа қайд эта олдик. Бунинг учун йигитларимизга раҳмат айтаман.

Хуршид Тожибоев ("Навбаҳор" футзал жамоаси бош мураббийи):

- Тўртинчи турдан ниятимиз катта эди. Афсуски, бугун, умуман иккала баҳсда ҳам ўйинимиз қовушмади.

Энг катта муаммоимиз юзага келган вазиятлардан фойдалана олмаслик бўляпти. Иккинчи даврада шу камчиликларни йўқ қилиш учун янада астойдил ишлашга мажбурмиз.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика