Футзал. Фузули Хайруллаев: "Оил Стар" Кубок баҳсларида юқори мақсадларни кўзлаган"

"Оил Стар" жамоаси чемпионат баҳсларида совриндорлар сафидан жой олган эди. Эндиликда улар Кубокда ҳам катта марраларни забт этишни истамоқда. Бош мураббий Фузули Хайруллаев турнир формати ва жамоасининг мақсади ҳақида гапирди. 

"Кубок мусобақаси ҳар йилгидан-да қизиқарли ва шиддатли ўтади деб ўйлайман. Ўзбекистон Кубогида юқори мақсадларни кўзлаганмиз. Табиийки, янгича форматда ўйинлар янада муросасиз кечади. 

Ўзбекистон футзал федерацияси яхши стратегияга эга. Буни кўриб чиқдик", – деди "Оил Стар" бош мураббийи Фузули Хайруллаев. 

Маълумот учун, "Оил Стар" "B" гуруҳида "Бунёдкор", "Максам-Чирчиқ" ва "Нефтчи" билан куч синашади. Ўйинларга Фарғонадаги "Само" спорт мажмуаси мезбонлик қилиши кўзда тутилган.