Футбол агентлари! Миллионлар ўйини уларнинг қўлидами?

Россияда бу ҳақида жуда ҳам кўп гапирилмасада, соҳадаги ишлар аста-секин кўзга кўрина бошламоқда. Бизнинг ушбу рейтингимиз - ушбу соҳада бироз бўлсада олдинга қадам ташлашга ёрдам бериш.

Футболда икки тоифа инсонлар мунтазам равишда пул ишлаб топадилар. Дастлабкиси - футболчилар. Улар ўйнаганлари учун маош оладилар. Иккинчи тоифа вакиллари эса агентлар ҳисобланади. Улар футболчининг вакили ҳисобланиб, мижозларининг трансфер суммасидан фоизлар ишлаб топадилар. Қонун бўйича уларнинг даромади трансфер суммасининг 3 фоизидан ошмаслиги лозим. Ҳақиқатда эса, гап умуман бошқа пуллар ҳақида боради.

"Агент" сўзини "воситачи"га алмаштириш орқали кўп нарса ўзгариб қолмайди. Шунинг учун, уларни бугунчалик агент деб атайверамиз.

Россиялик футбол агентларидан ким айни пайтда муваффақиятли фаолият олиб бормоқда? Кимнинг футболчилари ҳаётда ўз йўлини топиб кетмоқда?

Ушбу рейтингда бир қанча омиллар ҳисобга олинади:

- Агент билан шартномаси бўлган терма жамоа аъзоси ҳисобланаган футболчилар.

- Футболчининг тахминий трансфер суммаси.

- Агент футболчиларининг қанча пул ишлаши.

- Шартномадаги футболчиларнинг сони.

- Фаолияти давомида футболчилар трансфери орқали қанча пул ишлб олгани.



Россияда ҳам агентлар ва уларнинг компаниялари билан боғлиқ пулли сонлар сир тутилар экан. Шунинг учун, ушбу материалда тахминий сонларга асосланилган.


Маош бўйича: Бу ерда молиявий масалаларга мурожаат қиламиз. Ушбу агентлар ўз футболчиларига яхши маошни таъминлаб бера оладилар. Яхши маош олишни истайсанми? "Бавария" ёки "Реал"га бориш шарт эмас. Шунчаки, ушбу агентлар билан гаплаш. Нима эвазига юқори маош? Бу ҳақида улар оммага эълон қилиб ўтирмайдилар.

1. Герман Ткаченко
2. Павел Андреев
3. Олег Артёмов


Мижозларининг трансфер суммаси бўйича: Бу ерда ҳам ҳудди ўша номлар. Лекин бошқача кўрсаткич бўйича: Улар ўз футболчиларини бошқа клубга қанча сумма эвазига сотганлар? Ҳар доим ҳам футболчининг траснфер пули унинг майдондаги ўйинларига мос келавермайди. Россияда бутун дунёдаги каби омиллар биринчи ўринда турмайди. Масалан, бир миллионлик футболчи бошқа жамоа томонидан уч миллионга ҳам сотиб олиниши мумкин. Бу инсонлар нархни шу тарзда кўтаришни биладилар. Лекин, бу ҳақида хеч кимга айтиб ўтирмайдилар.

1. Олег Артёмов
2. Павел Андреев
3. Герман Ткаченко

Футболчилар сонига кўра: "Қанча кўп бўлса, арзонроқ" принципи айнан ушбу инсонларга тегишли. Баъзида улар даромад топа оладилар, баъзида эса бундай бўлмайди. Майли, шу услуб уларга ёқса керак.

1. Александр Маньяков
2. Александр Толстиков
3. Аликсей Сафонов


Терма жамоада футболчилари бор: Сиз оддий футболчини хар доим ҳам нархини кўтариб, юқори маошга эга қилиб бера олмайсиз. Терма жамоа футболчиларида эса умуман бошқача. Улар айнан юқори савиядаги футболчилар ҳисобланадилар. Ушбу агентлар қўл остида Россия терма жамоаси футболчилари нисбатан кўпроқ ҳисобланади.

1. Павел Андреев
2. Олег Артёмов
3. Герман Ткаченко


Россиядаги ҳорижий агентлар:

1. Леонид Истрати (Молдова) - Молодовалик ушбу мутахассис Россия чемпионатидаги кўплаб футболчилар билан ишлар экан. Унинг мижозлари ичида Кристиак Нобоа, Александр Рязанцев, Амир Натхо ва яқинда Россия чемпионатини тарк этган Хосе Соломон Рондонлар бор.

2. Марко Трабукки (Италия) - Унинг Россиядаги мижозлари сифатида Марио Фернандес ва Роман Ерменколарни кўрсатишимиз мумкин. У илк маротаба рус бозорида Руслан Нигматулиннинг "Верона"га транфсерида ишлаганди. У мунтазам мижозлар билан ишламайди. У асосан итальян ва рус клублари футболчиларининг трансферида ишлайди.

3. Виктор Коларж (Чехия) - Яқиндагина Россия чемпионатида иш бошлаган чехиялик агентнинг мижозлари Марек Сухи ва Радослав Ковачлар бўлади. У шунингдек Роман Павлюченконинг Европага йўл олишида жонбозлик кўрсатган. Айни пайтда у рус футболчиларини Европага жойлаштириш билан шуғулланмоқда.


Четга футболчи сотганлар: Агентларнинг иш фаолияти уларнинг ҳорижга футболчи сотганига қараб ҳам белгиланади. Европага кетишни истайсанми? Унда айнан мана шу инсонларга мурожат қилиш лозим!

1. Арсен Минасов
2. Олег Артёмов
3. Герман Ткаченко


Улар интервьюдан қочмайдилар: Нафақат ўз футболчиси билан боғлиқ трансферларга, балки инглиз футболининг еттинчи дивизионида бўлиб ўтаётган трансферлар ҳақида ҳам гапираверадилар.

1. Алексей Сафонов
2. Сергей Пушкин
3. Арсен Минасов


Жим юрувчилар: Пул тинчликни яхши кўради. Ушбу агентлар эса буни жуда яхши биладилар. Улар "ОАВ орқали ўз футболчисини нархини ошириш" принципидан фойдаланмайдилар. Ёки, фойдалансалар ҳам буни очиқчасига ошкор қилмай, ҳеч кимга билдирмасдан амалга оширадилар.



Умумий рейтинг:

1. Павел Андреев

Мижозлари: Денис Глушаков, Дмитрий Комбаров, Игорь Денисов

Айни пайтда Павел Андреев Россия трансфер бозорида энг авторитет, терма жамоада кўп футболчиси бор агентлардан ҳисобланади. Россиядаги эски "бўри"лардан. P.A.F.A. агентлиги асосчиси.

2. Герман Ткаченко

Мижозлари: Федор Смолов, Олег Шатов, Сергей Игнашевич

Ткаченкони суперагент деб аташ мумкин. Унинг "Pro Sports Management" номли агентлиги рус футбол бозорида энг машҳури ҳисобланади. Ткаченконинг ўзи эса рус клублари билан мустаҳкам алоқа ўрнатган. Бу эса албатта унга музокара олиб боришда катта ёрдам бериши аниқ.

3. Олег Артёмов

Мижозлари: Александр Самедов, Дмитрий Тарасов, Иван Новасельцев

Ўз вақтида айнан Олег Артёмов россиялик футболчиларни Европа клубларига ўтишга катта роль ўйнарди. У бунга Германиянинг Dr. Oliver Wendt & Tomas Zorn компанияси билан мустаҳкам алоқалари ҳисобига эришган.


4. Александр Маньяков

Мижозлари: Игорь Смольников, Евгений Чернов, Эмин Махмудов

Александр Маньяков - "Проф-спорт компани" агентлигининг бошқарувчиси ҳисобланади. Ушбу компания мамлакатдаги энг кучли учта бундай тоифадаги компаниядан бири ҳисобланади. Таркибида 15-33 ёшли 100 нафардан ортиқ футболчиси бор.


5. Александр Толстиков

Мижозлари: Станислав Крицюк, Андрей Синицин, Александр Ерохин

Толстиков ҳам мамлакатнинг энг кўзга кўринган футбол агентларидан ҳисобланади.


6. Михаил Череповский

Мижозлари: Сергей Паршивлюк, Антон Митрюшкин, Владимир Гранат

Аввал Михаил Череповский "СА Футбол агентлиги"да ишларди. Кейин эса ўзининг бизнесини очишга қарор қилди. Айни пайтда Миша бу борада муваффақиятларга эришиб келмоқда. Бунда унинг "Спартак" билан яхши алоқаси ҳам роль ўйнайди албатта.


7. Сергей Пушкин

Мижозлари: Георгий Шенников, Тарас Бурлак, Мирослав Лобанцев

Сергей Пушкин ҳам "СА Футбол агентлиги" тарбияланувчиси ҳисобланади. Унинг терма жамоа асосий таркибида ўйнайдиган кўплаб футболчилари бор. Келажакда футбол юлдузи бўладиган ёш футболчилар билан ишлашни яхши кўради.


8. Арсен Минасов

Мижозлари: Кирилл Набабкин, Виктор Васин, Роман Широков

Арсен Минасов Россия терма жамоасининг собиқ сардори Роман Широков билан ишлаш орқали танилган. Унинг иҳтиёрида РПФЛнинг яна кўплаб футболчилари бор. Бундан ташқари у "ASA International" агентлиги билан ҳам ҳамкорлик қилади. Ушбу агентлик иҳтиёрида Лука Модрич, Матео Ковачич каби футболчилар борлигини ҳам алоҳида қайд этиб ўтиш лозим.

9. Алексей Сафонов

Мижозлари: Сергей Рижиков, Илья Абаев, Вячеслав Караваев

Алексей Сафонов Россиядаги энг йирик "СА футбол агентлиги"нинг асосчиси ва хўжайини ҳисобланади. Унинг мижозлари орасида ёши катталар кўп бўлсада, агентлик ёш футболчиларга ҳам эътиборини қаратиб туради.


10. Леонид Истрати

Мижозлари: Кристиан Нобоа, Александр Прудников, Игорь Портнягин

Молдовалик агент Леонид Истрати Қурбон Бердиев бошқарадиган жамоалар билан кўп ишлаган. Бундан ташқари у "Барселона"да ўйнашга улгурган Амир Натхонинг ҳам агенти ҳисобланади.

sovsport.ru сайти асосида тайёрланди