Forbes рейтингида энг қиммат спорт жамоалари эълон қилинди

Энг яхши элликта жамоадан ўттизтаси NFL (Америка футболи) жамоалари ҳисобланади. Учликни ҳам ушбу лига вакиллари банд қилишган. Рўйхатни "Даллас ковбойс" жамоаси 8 млрд доллар нарх билан бошқариб турибди. "Нью Англия Патриотс" жамоасининг қиймати 6.4 млрд доллар этиб белгиланган. Учинчи поғонани эса "Лос-Анжелес Рэмс" эгаллаган.

Энг қиммат футбол клуби сифатида эса Мадриднинг "Реал" клуби топилган. "Қироллик клуби" 5.1 млрд долларга баҳоланган ва умумий рейтингда 13-поғонадан жой олган. Футбол жамоалари орасида иккинчи ўринни (умумий — 15 ўрин) "Барселона" (5 млрд доллар) банд этган бўлса, кучли учликни (умумий — 19 ўрин) "Манчестер Юнайтед" якунлаган, "қизил иблислар"нинг нархи 4.6 млрд доллар сифатида қайд этилган.