UZ

Сўнгги янгиликлар

19:17АПЛ. "Арсенал" ўз уйида "Ноттингем Форест"ни йирик ҳисобда таслим этди, Субимендидан дубль!  17 19:00Суперлига. "Пахтакор" – "Нефтчи" (матнли трансляция)  53 18:41"Реал Сосьедад" — "Реал Мадрид". Таркиблар маълум  14 18:00"Қўқон-1912" — "Қизилқум" 2:1 (матнли трансляция)  8 16:57Пепе Ла Лигада ойнинг энг яхши футболчиси деб топилди. "Вильярреал" форварди Ямал ва Мбаппени ортда қолдирди  0 16:28"Манчестер Сити" "Барселона" ярим ҳимоячисини нишонга олди  2 15:19ЎзЭл Классикосига превью  15 14:54"Истанбул Башакшехир"нинг янги бош мураббийи маълум  6 14:23Бернарду Силвага Португалия топ-клуби қизиқиш билдирмоқда  0 13:48"Реал" АПЛ футболчиси учун 60 млн евро таклиф қилмоқчи  1 13:08Эриксен нега "Вольфсбург"га ўтишга қарор қилганини айтди  0 12:32Гави тахминан икки ойни ўтказиб юбориши мумкин  2 11:58"Монтеррей" Марсьяль трансферини эълон қилди  1 11:20Февзи Давлетов: "Навбаҳор" билан ўйинда биз ғалабага яқинроқ эдик"  7 10:58Азиз Ибрагимов: "Учрашув дерби мақомида ўтади, аммо ғалаба "Пахтакор"ники бўлади"  15

ФК "Андижон"да таъсисчи ўзгарди Янгиликлар

ФК "Андижон"да таъсисчи ўзгарди

Бугун Андижон шаҳридаги "Соғлом Авлод" стадионида навбатдан ташқари йиғилиш бўлиб ўтди.

Унда Андижон вилояти ҳокими ўринбосари Ўткирбек Шукуров, вилоят жисмоний тарбия ва спорт бошқармаси раҳбари, вилоят футбол ассоциацияси вакиллари, "Андижон" футбол клуби раҳбарияти ва жамоа футболчилари иштирок этди.

"Сўнгги пайтларда жамоамизда молиявий қийинчиликлар бошдан ўтказилди. Жамоанинг" Пахтакор" клубига қарши ўйинга қандай қилиб етиб боргани ҳеч кимга сир эмас. Худо шукур, қийин кунлар ортда қолди. Мана Андижон ўғлони, футболнинг ашаддий мухлиси ҳисобланган Журъатбек Қувватов жамоани қўлга олмоқда. Биз бу инсон учун барча шароитларни яратиб берамиз. Ҳозирча ишларни йўлга қўйиб олгунга қадар натижа талаб қилмаймиз. Журъатбек ҳам жамоани аста-секинлик билан маҳаллийлаштириш, вилоятдаги ёш футболчиларга имконият бериш ғоясини ўртага ташлади. Унутманглар, Андижонда футбол ўлмайди, доим футбол бўлади. Узоқ йиллик тарихга эга бўлган жамоа сақланиб қолади"-деди Ўткирбек Илҳомович.

Сўнгра, сўзга "Андижон" футбол клубининг янги таъсисчиси чиқди. "Авваламбор билдирилган ишонч учун ўз миннатдорчилигимни билдираман. Натижани албатта қўлга киритамиз, буни учун бироз вақт керак. Лекин изланишдан тўхтамаймиз. Яқин орада албатта натижани ҳам қўлга киритамиз"-деди Журъатбек Қувватов.

Клуб бош директори Маъруфжон Абдисаломовга сўзга чиқиб "Бизни доим қўллаб-қувватлаб турган вилоят ҳокимлигига ўз миннатдорчилигимни билдираман. Ҳақиқатдан ҳам сўнгги кунларда қийин кунларни бошдан кечирдик. Тан олиш керак, жонимизга Журъатбек Қувватов оро кириб, жамоамизни қабул қилиб олди. Уч ярим миллиондан зиёд аҳолимиз бор, жамоанинг эса 30-40 минг мухлиси бор. Мана шу стадион тўлиб-тошадиган жамоа барпо этилишини тилаб қоламан. Футбол ўйинлари кунларини ҳалқимиз катта байрам сифатида қабул қиладиган жамоа бўлишини истайман"-деди.

Шу тариқа, Андижон вилояти ҳокими Шуҳратбек Абдураҳмоновнинг топшириғига асосан, "Андижон" футбол клубида таъсисчи ўзгарди ва клуб "Макро Фарм Андижон" корхонаси таъсисчиси Журъатбек Қувватов клуб таъсисчисига айланди.


Рейтинг: +14   

Фикрлар

championat.asia
< сўнгги янгиликларни кўриш
Яндекс.Метрика