Филиппе Коутиньо иштирокидаги матбуот-анжумани (+ФОТО)

Тадбирга 40та турли нашрлардан 150 нафар журналист ташриф буюрди. Коутиньо матбуот-анжуманида журналистлар саволларига жавоб берди.

"Дунёнинг энг машҳур клуби формасини кийиш жуда ажойиб. "Барселона"га ўтишдан олдин шубҳаланганим йўқ ва қаҳрамонларим билан бирга тўп тепиш мен учун шараф. Жамоадаги ўйинлардан роҳат олиб, соврилар ютишга умид қиламан.

Месси ва Луис Суарес

"Месси ва Луис Суарес билан бирга ўйнашим мумкин, ўзимни омадли инсон дея оламан. Лионель Месси жуда кучли футболчи. Луис Суарес билан яна бирга ўйнашимдан мамнунман. Бу катта шараф. Суарес яхши дўст, у менга катта ёрдам берган".

Нега "Барселона"?

"Барселона"да ўйнаш - орзуим. Жамоада дунёнинг энг яхши футболчилар тўп тепади, менинг қаҳрамонларим ҳам шу ерда".

Неймар билан муносабатлар

"Неймар билан яхши танишман, биз бир-биримизни болаликдан биламиз. Миллий терма жамоада бирга ўйнаймиз ва у менга клуб ҳақида гапириб берган".

Чемпионлар лигаси

"Бу мавсум Чемпионлар лигасида ўйнай олмайман, бироқ менда яна 5 йил мавжуд ва ушбу турнирда кўпроқ майдонга тушишга умид қиламан".

Майдондаги позиция

"Мен мухлислар бахтли бўлишини истайман, шу сабабли позициямни мураббий аниқлайди. Жамоага ёрдам беришим учун кўп ишлашим керак".