Филипе Луис “Атлетико” билан шартномани узайтирмайди

33 ёшли футболчининг испан клуби билан амалдаги шартномаси 2019 йилнинг ёзига мўлжалланган. Шу боис футболчи январь ойидан бошлаб бошқа клуб билан музокарани бошлаши мумкин. 

Айни пайтда футболчи жароҳатини даволаниш билан банд. У Ла Лиганинг 16-тури доирасида “Валдядолид”га (3:2) қарши баҳсда жароҳат олганди.

Илгарироқ футболчининг хизматларига “Милан” ва “Интер” қизиқаётганлиги ҳақида хабарлар чиққанди.

Жорий мавсумда Луис Мадрид клуби сафида 13 та учрашувда майдонга тушди. 16 та турдан сўнг “Атлетико” 31 очко билан Ла Лига турнир жадвалида 3-поғонада бормоқда.