FIFA.UZ: Олий лигада дастлабки мавсум тугамоқда

Юртимиз футбол ишқибозлари учун янгилик бўлган бу лойиҳа 11000дан ортиқ инсонни бир ерга жамлай олди.

Иштирокчилар ҳақиқий футболчиларнинг голлари эвазига очколар ишлашди, танимаган футболчиларини таниб олишди, дўстлар орттиришди ва совғаларга эга бўлишди. Қисқа қилиб айтганда олий лигага бўлга қизиқиш бироз бўлсада ортди. Тўғри камчиликлар ҳам бўлганини инкор қилмаймиз, бироқ бу эндигина биринчи мавсум бўлганини унутманг. Кейинги йили сайт янада мукаммалашади, бу борада иш бошлаб юборилган.

Ноябрь ойи келиб юртимизда миллий чемпионат ўз поёнига етмоқда. Тўққиз ой давом этган чемпионатга қўшилиб FIFA.UZ да ҳам мавсум тугамоқда.  

Қизиғи худди олий лигада бўлгани каби FIFA.UZ да ҳам "Бунёдкор" чемпионликка жуда яқин турибди. Аммо бу футбол эканини унутманг, сўнгги икки турда барча нарса содир бўлиши мумкин.

Айни пайтда иккинчи ва учинчи ўринлар учун 10га яқин жамоа кураш олиб боряптилар. Айни пайтда 10-ўриндаги жамоа иккинчи поғонадан жой олиб турган "Manchester United"дан бор йўғи 55 очко ортда қоляпти. Кучли ўнлик эса қуйидагича кўриниш олган:

1.Бунёдкор   1317
2.Manchester United 1213
3.Буйгозок ФК   1212
4.soccer17uz   1199
5.VODIL SITY   1197
6.bahodirmirzo   1190
7.Shovotlandiya   1178
8.Fc Qahramon(Qoqon) 1168
9.Шохобод ФК   1158
10.Navro'z   1155

FIFA.UZ да мавсумни кучли учликда якунлаган учта иштирокчига олий лига жамоаларига тақдим этиладиган медалларнинг асл нусхалари топширилишидан хабарингиз бор. Балки кўпчилик учун дастлабки ўрин етиб бўлмасдек кўринар, аммо кейинги икки ўрин учун кураш сўнгги сонияга қадар давом этишига шубҳа йўқ.

3 ва 8 ноябрь кунлари олий лигада сўнгги 25 ва 26-тур ўйинлари бўлиб ўтади. Мана шу турларда барча нарса ҳал бўлади.