ФИФА ЖЧ-2026 учун Осиёга 8+1та ўрин бермоқчи
30 мар 2017 21:32
Янгиликлар

ФИФА ЖЧ-2026 учун Осиёга 8+1та ўрин бермоқчи

Теглар : ЖЧ-2026 ФИФА

ФИФА кенгаши 48та жамоа иштирок этувчи мундиалларда ҳар бир қитъадан қанчадан жамоа қатнашиши борасида қарор чиқарди.

ФИФА Европага 16та, Африкага 9, Осиёга 8, КОНКАКАФ ва Жанубий Америкага 6тадан, Океанияга 1та йўлланма бермоқчи. Мундиал мезбони автоматик равишда йўлланмага эга бўлади. Ушбу мамлакат қайси қитъадан бўлса ўша қитъанинг йўлланмаси мезбон ҳисобига камаяди.

Қолган икки йўлланма олти конфедерациянинг биттадан жамоаси иштирокида плей-офф орқали ўйналади.

Агар мундиал икки мамлакатда бўлиб ўтса ФИФА бу борада алоҳида қарор чиқаради.

Якуний қарор 9 май куни Баҳрайн пойтахти Манама шаҳрида бўлиб ўтадиган ФИФА кенгаши йиғилишида расман эълон қилинади. 2026 йилдан бошлаб Жаҳон чемпионатида илк бор 48та терма жамоа иштирок этади.

Ҳавола :

Манба : fifa.com

Янгиликларни Телеграмда ўқинг!

Рейтинг: -42