Февзи Давлетов: "Биринчи бўлимда устунликка эришган бўлсак ҳам, тўп рақиб дарвозасига кирмади"

Ўйин ҳақида

- Оғир ўйин ўтказдик. Биринчи бўлимда имкониятларимиз кўпроқ бўлди, вазиятлар яратдик. Бироқ, рақиб дарвозасига тўп кирмади. Танаффусдан кейин "Қизилқум" вакиллари ўйинни кучайтиришди. Бизда хатолар кўзга ташлана бошлади. Тўпни назорат қилишги интилдик. Юзага келган имкониятдан фойдаланиб гол урдик ва ғалабага эришдик. 

Жамоа аъзоларини ғалаба учун табриклайман ва олқишлайман. Узоқдан келиб бизни қўллаб-қувватлаб турган мухлисларимизга рахмат айтаман.

- Фаррух Икромов алмаштирилишига жароҳат сабаб бўлдими? 

- Ҳа, у озроқ оғриқ ҳис қилди. Шу боисдан алмаштирдик. Эртага кўрикдан ўтади ва у ҳақида аниқ билиб оламиз. 

- "Қизилқум" жамоасининг биринчи даврадаги ва ҳозирги ҳолати бўйича фарқ сездингизми? 

- Ҳа, жамоа ўйинида анчайин ўсиш бор. Биринчи бўлимдаги устунлик биз томонда бўлди. Бироқ иккинчи бўлимда "Қизилқум" вакиллари ўз ўйинларини кучайтиришди. Оғир ғалабага эришдик. 

-"Сурхон" Ўзбекистон кубоги мусобақасида ярим финалга чиқди. Жамоа мақсади кубокка қаратилганми ёки чемпионатгами? 

- Биз ҳар бир ўйинга ғалаба учун тайёрланамиз. Олдимиздаги ҳар бир учрашув финалдек ўтади, бошқача йўлимиз йўқ.