"Фенербахче" "Манчестер Сити" ҳимоячисини сотиб олмоқчи

"ASpor" хабарига кўра, Туркия клуби англиялик футболчи учун 6,15 млн фунт стерлинг беришга тайёр. "Фенербахче" Уокерга яхши маош билан узоқ муддатли шартнома таклиф қилмоқчи.

Туркияда трансфер ойнаси 8 февралда Англиядагидан кечроқ ёпилади.

32 ёшли футболчи "Манчестер Сити" сафига 2017 ёзида келиб қўшилган. Уокернинг "Transfermarkt" порталида трансфер нархи 15 млн еврони ташкил этади.

Англиялик ҳимоячи жорий мавсумда "шаҳарликлар" таркибида турли мусобақаларда жами 14 та ўйинда майдонга туширилди. Унинг ҳисобида ягона асист мавжуд.