Фарҳод Бекмуротов: "Ўзимни кучлироқ жамоада синаш истаги туғилди. Андижонлик мухлислар доимо қалбимда қолади"
25 дек 2020 19:06
Янгиликлар

Фарҳод Бекмуротов: "Ўзимни кучлироқ жамоада синаш истаги туғилди. Андижонлик мухлислар доимо қалбимда қолади"

"Андижон" жамоасининг сардори ва етакчиси Фарҳод Бекмуротов жамоасини ўзгартирди.

Футболчи кейинги мавсумдан эътиборан "Қўқон-1912" шарафини ҳимоя қилади. Биз янги жамоага ўтган Фарҳод Бекмуротовнинг фикрлари билан қизиқдик.

"Андижон" жамоасида 2014 йилдан бери тўп тепиб келаётган эдим. Тўғриси тарк этиш бироз қийин бўлди. Кетишимнинг бирдан-бир сабаби ўзимни кучлироқ жамоада синаб кўришни ўйладим. Мухлисларга катта раҳмат айтаман, етти йил ичида иссиқни иссиқ, совуқни совуқ демасдан қўллаб-қувватлашди. Улар доимо қалбимда қолади. Насиб қилса бир кун келиб қайтаман. Доимо соғ ва саломат бўлишларини, севимли жамоамизни олқишлашдан чарчамасликларини тилаб қоламан.
Ҳа бошқа жамоалардан ҳам таклифлар тушгани рост. Қўнғироқ қилишганида тўғри тушунтириб узуримни айтиб қўйдим. Таклиф учун барчаларига миннатдорчилик билдираман, мени тўғри тушунишди деган умиддаман. "Қўқон-1912"га Бахтиёр ака Ашурматов чақирдилар. Эндиликда мақсадим ўзимнинг имкониятларимни кучли клубда синаб кўриш ва жамоага юқори ўринларни эгаллашига қўлимдан келганича ёрдамлашиш",- дейди Бекмуротов.

Ҳавола :

Манба : championat.asia

Янгиликларни Телеграмда ўқинг!

Рейтинг: +6