Фарғонада ҳуқуқни муҳофаза қилиш органлари ходимлари ўртасида футбол мусобақаси ўтказилди

Жами 8 жамоа қатнашган мазкур мусобақада иштирокчилар катта таасуротларга эга бўлдилар.

Мусобақа ҳақида иштирокчиларнинг фикрлари билан қизиқдик.

"Бугун муҳтарам Президентимиз томонидан илгари сурилган "Беш ташаббус" лойиҳаси доирасида Фарғона вилоятида ҳуқуқни муҳофаза қилиш органлари ва ҳарбий қисмлар ўртасида спортнинг футбол тури бўйича мусобақа ташкил этилмоқда" - дейди мусобақа иштирокчиси Бекзод Олимов. Мазкур мусобақада биз Фарғона вилояти божхона Бошқармаси номидан иштирок этмоқдамиз. Ҳозиргина биринчи тур учрашувлари якунига етди. Бу каби мусобақалар ҳуқуқни муҳофаза қилиш органлари ходимлари соғлом турмуш тарзига амал қилишларига, уларни соғломлаштиришга хизмат қилади".

Бекзод Якубов, мусобақа ҳаками: "Бугун спортнинг футбол тури бўйича Фарғона вилояти футбол Ассоциацияси ва бошқа мутасадди ташкилотлар хамкорлигида ҳуқуқни муҳофаза қилиш органлари ходимлари ўртасида мусобақа ташкил этилмоқда. Бу каби мусобақалар футболнинг оммавийлигини ошириш, шунингдек соғлом турмуш тарзини юксалтиришга хизмат қилади. Иштирокчи жамоларнинг имкониятлари тенг, мусобақа кўтаринки кайфиятда ташкил этилмоқда".

Бекзод Толибов тайёрлади