UZ

Сўнгги янгиликлар

00:30Неъматилло Қуттибоев: "Омад сабабли ғалаба қозондик деб ўйлайман"  0 00:15Гёкереш "Спортинг" учун бошқа ўйнамаслигини маълум қилди. Клуб футболчига берган ваъдасини бажармаган  5 23:57Исломбек Исмоилов: "Куч ва тезлик томонидан рақибга ҳеч қандай имконият қолдирмадик"  1 23:2636 ёшли Перишич "Барса"га ўтмоқчи  2 23:07"Челси" Санчонинг МЮга қайтганини эълон қилди. Лондонликлар футболчини тўлиқ сотиб олмагани учун 5 млн евро тўлашади  3 22:44"Реал Мадрид"нинг Клублар ўртасидаги жаҳон чемпионати учун қайдномаси маълум  5 22:36Ўзбекистон U-17 терма жамоаси ўртоқлик ўйинида Чилини мағлубиятга учратди  14 22:02Мирко Еличич: "Жамоам ҳақиқий футбол намойиш этганидан хурсандман"  0 21:47"Манчестер Сити" Клублар ўртасидаги жаҳон чемпионати учун қайдномасини эълон қилди  6 21:09"Реал" эртага Трент учун таништирув маросими ўтказади  1 20:45"Ливерпуль" Нуньес учун 70 миллион евро сўрамоқда. Ҳужумчига Испаниядан таклиф бор  2 20:23Де Брюйне пайшанба куни "Наполи" учун тиббий кўрикдан ўтади  1 19:55Про лига. “Арал" меҳмонда "Олимпик"ни таслим қилди  1 19:37Скалони : "Энцо четлатилганидан кейин ҳам Аргентина босимни давом эттирди. Жамоа кучини текшириш учун жуда яхши имтиҳон бўлди"  1 18:45"Реал" ижтимоий тармоқларда энг оммабоп клуб, "Барса" – 2-ўрин, МЮ – 3-ўрин, ПСЖ – 4-ўрин...  8

Фарғонада болалар футбол мактаби фаолиятини бошлади Янгиликлар

Фарғонада болалар футбол мактаби фаолиятини бошлади

2018 йилнинг “Фаол тадбиркорлик, инновацион ғоялар ва техонологияларни қўллаб-қувватлаш йили” деб номланиши ва тадбиркорларга кенг имкониятлар яратиб берилаётган шижоатли ёшларга ўзгача куч бағишлаётгани ҳеч кимга сир эмас.

Бундан ташқари, Ўзбекистон Республикаси Президентининг “Футболни ривожлантириш чора-тадбирлари тўғрисида”ги  Қарори ҳам мамлакатимизда футболни янада ривожлантириш учун ўз ҳиссасини қўшиш истагида бўлган ёшларнинг ғайратига-ғайрат қўшгани шубҳасиз.

15 апрель куни Фарғонада мана шундай ғамхўрликларнинг самараси улароқ янги “Реал Спорт” инновацион футбол клуби қошидаги болалар футбол мактаби ўз фаолиятини бошлади. Фарғоналик уч нафар ёш ва шижоати баланд тадбиркорлар томонидан ташкил этилган ушбу спорт масканида 3 ёшдан 12 ёшгача бўлган болакайлар футбол сирларини ўрганиб боришади. Уларга тўрт нафар ОФКнинг “С” лицензиясига эга бўлган мураббийлар таҳсил беришади. Булар Жасурбек Мирзабоев, Фаррух Адилов, Шоҳжаҳон Тўхтасинов ва Жавоҳир Ҳакимовлардир.

Кеча ушбу масканда болалар футбол мактабининг расмий очилиш маросими бўлиб ўтди. Ушбу маросим юқори савияда ўтказилди. Даставвал футбол клуби ва мактаби жойлашган Фарғона шаҳар “Тўқимачилар” истироҳат боғида болажонлар учун концерт дастури ташкил этилди.

Очилиш маросимида Фарғона вилояти ҳокимлиги, Ўзбекистон ёшлар иттифоқи Фарғона вилояти кенгаши, Фарғона вилояти футбол ассоциацияси вакиллари иштирок этишди. Бундан ташқари, маросимда Ўзбекистон телерадиокомпаниясининг “Спорт” телеканали мухбири Беҳзод Жўрабоев ҳам “Футбол инфо” журнали муҳаррири Мирзоҳид Мирзаевлар ҳам қатнашишди.


Очилиш маросими сўнггида “Реал Спорт” инновацион футбол клуби қошида ташкил этилган болалар футбол мактабига биринчилардан бўлиб аъзо бўлган 50 нафар ёш футболчиларга клуб футболкалари совға сифатида тақдим этилди. Шундан кейин болажонлар ўз ёши тоифасига ажратилиб, машғулотлар олиб борилди. Машғулот жараёнини ота-оналар бевосита кузатиб боришди.


— Юртимизда спортга, хусусан, футболга бўлган юскак эътибор бизни мана шундай ғояларимизни амалга оширишга сабаб бўлди, дейди “Реал Спорт” инновацион футбол клуби директори Шуҳрат Эгамбердиев. – Клубимиз қошидаги болалар футбол мактабининг асосий мақсади ўсиб бораётган ёш авлодни соғлом бўлиб вояга етишишга, келажакда профессионал ўйинчи сифатида улкан ютуқларни қўлга киритишида кўмаклашишдан иборат. Футбол мактаби мураббийлари жажжи футболчилардан келажакда Осиё ва Жаҳон чемпионлари етишиб чиқишлари учун енг шимариб ишга киришишган. Режаларимиз, қиладиган ишларимиз ҳали кўп. Бизнинг футбол мактабимизда таҳсил олаётганлар орасида профессионал футболчилар етишиб чиқиши ва келажакда юртимиз шарафини Жаҳон ареналида муносиб ҳимоя қилиши йўлида тинимсиз меҳнат қилишга тайёрмиз. Яна бир мақсадимиз-тарбияланувчиларимизни дунёнинг машҳур жамоаларининг етакчи ўйинчиларига айлантиришдир.

Чиндан ҳам, Фарғона шаҳрида биринчи марта жажжи болажонлар учун мўлжалланган футбол мактаби улкан мақсадлар йўлида ўз ишини бошлади. Ушбу максанда мураббийлик қилаётган мутахассислар эса ўз ишининг ўсталари саналишади.

Бугун фарғоналик жажжи футболчиларнинг қувончи чексиз. Улар “миллионлар ўйини” сир-асрорларини ўрганишлари учун барча шароитлар муҳайё қилинган. Фарғоналик ёш тадбиркорлар бошлаган улкан ишларига ривож тилаб қоламиз. Айтганча, футбол мактабида машғулотлар ҳар куни икки маҳал ўтказилади. Болаларга ўз ёшидан келиб чиққан ҳолда вазифалар берилади.


Аброр Деҳқонов

Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика