Niderlandiyalik futbolchining "qizillar" bilan shartnomasi joriy mavsumdan so'ng tugaydi. Jurnalist Grem Beylining ma'lumotlariga ko'ra, mersisaydliklar sardori o'ziga Yevropa futbolining yirik klublari qiziqish bildirayotganidan xabardor. Yaqinda Chempionlar Ligasi doirasidagi PSJ – "Liverpul" o'yiniga Madridning "Real" va "Atletiko", shuningdek, Myunxenning "Bavariya" klubi vakillari keldi.
Virjil Van Deyk "Liverpul" safida jami 309 o'yin o'tkazib, 26 ta gol urgan. Mashhur centrbek iyul oyida 34 yoshga to'ladi.
