Европа Лигаси. “Анжи” ғалаба қозонди. Одил Аҳмедовдан голли пас!

Махачқалъанинг "Анжи" клуби ўз майдонида Норвегиянинг “Тромсе” клубини қабул қилди ва жуда муҳим бўлган ғалабага эришди. Боиси ушбу уч очко “Анжи”нинг Европа лигасидаги жорий йилдаги илк ғалабаси бўлди.

Ушбу муваффақиятдан сўнг доғистонликлар ўз гуруҳида 2-ўринга кўтарилиб олди.

Шунингдек ҳамюртимиз Одил Аҳмедов жамоасининг “мотори”га айланиб улгурганини кечаги ўйинда яна бир бор исботлади.

Учрашувдаги ягона гол ҳам айнан Одилнинг тўп оширишидан сўнг юз берди. Аҳамиятлиси миллий терма жамоамиз аъзоси учрашувда тўлиқ 90 дақиқа ҳаракат қилди.  

«Анжи» — «Тромсе» — 1:0 (1:0)

Ҳакам: Мажейка (Литва).

Гол: Бурмистров, 19.

“Анжи”: Кержаков, Ангбва, Аделейе, Эвертон, Ещенко, Жусилей, АҲМЕДОВ, Гатагов (Агаларов, 62), Разак (Абдулавов, 90), Бурмистров (Гаджибеков, 83), Соломатин.

“Тромсе”: Лекстрем, Чаушевич, Фожут, Кристиансен, Норбю, Бендиксен, Хельмке, Драге (Эспейорд, 75), Йохансен (Антонсен, 58), Ондрашек (Мольдскред, 46), Нюстрем.

Огоҳлантиришлар: Хельмке, 56. Жусилей, 62. Антонсен, 90+1. Гатагов (захирадаги), 90+5.

“K” гуруҳи.

1. Тоттенхэм  3   9

2. Анжи         3    4

3. Шериф       3    2

4. Тромсе       3    1