Европа чемпионати плей-офф ўйинлари: рақамлар ва фактлар
15 окт 2015 21:00
Янгиликлар
![](https://championat.asia/upload/storage/185633_original.jpg)
![](/upload/storage/185633_220.jpg)
Европа чемпионати плей-офф ўйинлари: рақамлар ва фактлар
- Европа чемпионатлари тарихида плей-офф ўйинлари илк бор Евро-96 саралаш доирасида ўтказилган.
- Плей-офф ўйинларида Хорватия ва Голландия терма жамоалари икки мартадан ғолиб чиқишган.
- Плей-офф ўйинларидан чиққан Голландия (2004) ва Португалия (2012) терма жамоалари ярим финалгача етиб боришган.
- Плей-офф орқали кўхна қитъа чемпионатига чиққан 14 та терма жамоадан 9 таси гуруҳ босқичида қолиб кетган.
- Бу сафарги плей-офф қуръаси якшанба куни Тошкент вақти билан соат 15:20 да бошланади.
Қизиқ фактлар:
- Плей-офф ўйинлари тарихида 20 та терма жамоа иштирок этган. Улардан 8 таси ҳеч қачон ютқазмаган, 6 таси эса ҳеч қачон ғалаба қозона олмаган.
- Ушбу ўйинлар тарихида фақатгина Голландия биринчи ўйинда мағлубиятга учраб, иккинчи ўйинда ғалабани ўз томонига оғдира олган (2004).
- Голландия терма жамоаси шунингдек, икки марта ушбу босқичда ғалаба қозониб, иккаласида ҳам гуруҳдан чиқа олган.
- Шотландия терма жамоаси бундай ўйинларда икки маротаба қатнашган ва иккаласида ҳам мағлубият аламини тотиб кўрган.
- Рууд ван Нистелрой ушбу ўйинларда хет-трикка эришган ягона футболчи ҳисобланади. Ўшанда Голландия терма жамоаси шотландларни 6:0 ҳисобида мағлуб этганди.
- Робби Кин ва Йон Дал Томассонлар ҳисобида ҳам ушбу босқичда киритилган 3 та гол бор.
- Қуйидаги футболчилар ушбу босқичда 4 та ўйин ўтказишган: Миленко Ачимович (Словения), Младен Дабанович (Словения), Дамьен Дафф (Ирландия), Барри Фергюсон (Шотландия), Амир Карич (Словения), Миран Павлин (Словения), Стипе Плетикоса (Хорватия), Дарио Срна (Хорватия) ап Златко Захович (Словения).
- Фақатгина 3 та терма жамоа плей-офф ўйинларининг иккисида ҳам ғалаба қозона олган: Дания (2000, Исроил устидан), Испания (2004, Норвегия) ва Чехия (2012, Черногория).
УЕФА расмий сайти асосида тайёрланди
Ўхшаш янгиликлар
![AMP Logo](https://championat.asia/image/logo-amp.png)
Фикрлар