“Эвертон” футболчиси 56 йил деганда Англия терма жамоаси сафидаги дебют ўйинида гол урди

Англия терма жамоаси ўртоқлик ўйини доирасида Уэлсга қарши майдонга тушиб, 3:0 ҳисобида ғалаба қозонди. Инглизларнинг голларидан бирига “Эвертон” ҳужумчиси Доминик Калверт-Льюин муаллифлик қилди. Шу тариқа Доминик 56 йил ичида Англия терма жамоаси сафидаги дебют ўйинида гол урган “Эвертон”нинг илк футболчиси бўлди. Сўнгги бор бундай бахтга Фредерик Пикеринг 1964 йил 27 майида АҚШга қарши баҳсда (10:0) эришганди.

Маълумот учун, Калверт-Льюин жорий мавсум АПЛ ва Лига Кубоги доирасида 6 та ўйинда 9 та гол урган.