Это′Онинг "Интер"га ўтиши қандай рўй берганди?
17 май 2020 23:46
Янгиликлар

Это′Онинг "Интер"га ўтиши қандай рўй берганди?

Миланнинг "Интер" клуби собиқ ҳужумчиси Самюэль Это′О 2009 йилда Жозе Моуринью уни қандай қилиб "Барселона"дан "нерадзуррилар" сафига кўчиб ўтишга кўндирганини ёдга олди.

"Моуринью мени чиндан ҳам ишонтира олганди. У менга "Интер"нинг тўққизинчи рақами акс этган либос фотосуратини юборди ва шундай ёзди: "У сеники, у сени кутяпти".
Кейинроқ Матерацци ҳам менга хабар жўнатди: "Агар "Интер"га ўтсанг, биз ҳамма нарсани ютиб оламиз".
Фаолиятим давомида бунақаси бўлмаганди. Ушбу хабарлар менинг якуний қароримда жуда муҳим рол ўйнаган", – деди Камерун футболи афсонаси La Gazzetta dello Sport нашрига берган интервьюсида.