UZ

Сўнгги янгиликлар

08:07Ламин Ямаль янги келишув бўйича “Барселона“да қанча ишлаб олиши маълум  0 07:40Хебай собиқ жамоасига қарши ўйин ҳамда кам гол ураётганининг сабаби ҳақида гапирди  0 07:15Пролига. Бугун Олмалиқда ўйин бор  0 02:02Валижон Раҳимов: "Андижон" ўз ўйинини топиб олади"  3 01:50Жавоҳир Сиддиқов: "Насаф" доимий соврин ютмоқда, бу ҳам ёқимли ҳолат"  2 01:32Илҳом Абдуғаниев: "Биргина пенальти барчасини ҳал қилди"  3 01:10Максим Шацких: "Насаф"дан қўрққанимиз йўқ. Истасангиз мени Хави деб атанг, менга фарқи йўқ"  11 00:42Усмонали Исмоналиев: "Иккинчи бўлимда ҳакамлар қандай ишлаганини тушунмадик. Пенальти йўқ эди"  25 00:27Рўзиқул Бердиев: "Биз Суперкубок ва Кубокда хет-трик қилибмиз-ку. Роналду катта эҳтимол билан бизни сотиб олса керак, биз уни эмас"  5 00:14Расман: "Барселона" ва Ямал шартномани узайтирди  5 23:44Абдувоҳид Неъматов: "Кимдир имконият берганида балки, пенальтини тепган бўлардим"  1 23:30Ўзбекистон Суперкубоги. "Насаф" - "Андижон" 1:0  1 23:15Бектемир Абдуманнонов: "Омад биз томонда бўлмади"  7 22:55Шерзод Насруллаев: "Бу ҳали бошланиши, бундай ғалабалар кўпроқ бўлишига ҳаракат қиламиз"  12 22:24Ҳусайн Норчаев: "Совринни ота-онамга бағишлайман"  8

Эшитдик-да! "Сурхон" футбол клубининг 2019-2022 йилги молиявий фаолияти жиддий ўрганилади Янгиликлар

Эшитдик-да! "Сурхон" футбол клубининг 2019-2022 йилги молиявий фаолияти жиддий ўрганилади

"Сурхон" футбол клубининг янги инвесторлар қўлига расман ўтиши билан боғлиқ ҳужжатлар расмийлаштирилмоқда.

Вазирлар Маҳкамаси қарорига кўра, "Сурхон"нинг шу кунгача бўлган молиявий-хўжалик фаолияти мустақил аудит текширувидан 10 январга қадар ўтказилиши, аниқланган қарздорликлар Сурхондарё вилояти ҳокимлиги томонидан бартараф этилиши ва шу жараёнда клуб янги инвесторга топширилиши лозим эди. 

Олинган маълумотга кўра, Сурхондарё вилояти ҳокимлиги 10 январь санасига қадар Вазирлар Маҳкамаси қарори ижросини амалга ошира олмаган. Боиси аудит текшируви давомида жуда катта миқдорда қарздорлик аниқланган. Шундан келиб чиқиб, Сурхондарё вилояти ҳокими футбол клубининг 2019-2022 йиллар давомидаги молиявий фаолиятини ўрганиш масаласини вилоят Давлат молиявий назоратига оширган. Айни вақтда ЎзПФЛ мазкур йиллар давомида Лига рўйхатидан ўтказилган шартномалари нусхасини Сурхондарё футбол ассоциациясига тақдим этган. 

Маълум бўлишича, 2019-2022 йиллар давомида ЎзПФЛ рўйхатидан ўтказилган шартномалардан ташқари ҳам қўшимча шартномалар имзоланган, бироқ улар Лига рўйхатидан ўтказилмаган. Бу эса "Сурхон" футбол клубига ажратиб келинган маблағнинг мақсадсиз ва самарасиз сарфланишига олиб келган. Оқибатда клубда катта миқдорда қарздорлик вужудга келган. 

Қайд этиш керак, ЎзПФЛ сўнгги уч йил давомида "Сурхон" футбол клуби билан боғлиқ вазият соғлом руҳда эмаслигини бир неча бор таъкидлаб келди. Ўз навбатида, Лиганинг бу фикрлари сурхондарёлик футбол мухлислари эътирозига сабаб бўлди. Воқеалар ривожи кўрсатмоқдаки, Лига хавотири ўринли бўлган. "Сурхон" футбол клубини 2019 йилдан буён бошқариб келган раҳбарият йиллик харажатлар сметасини шакллантириш ва уни мақсадли йўналтириш масалаларида қатор камчиликларга йўл қўйган. 

Хавотирли томони шундаки, Ўзбекистонда қишки трансфер ойнаси ёпилишига 9 кун вақт қолди. Бу эса қаторасига иккинчи йил клубнинг янги инвесторларига муаммолар туғдиришини билдиради. Айни вақтда вилоят ҳокимлиги Вазирлар Маҳкамаси қарори ижросини тезлаштириши талаб этилади.

Рейтинг: -8   

Фикрлар

championat.asia
< сўнгги янгиликларни кўриш
Яндекс.Метрика