Эшитдик-да! Суперлига қачон қайтиши маълум

Эшитишимизга қараганда, агар Ўзбекистонда карантин чора-тадбирлари 10 май куни якунига етса, Суперлига клублари айнан шу кундан машғулотларга қайтишади. Жамоаларга икки ҳафта машғулот ўтказиш учун вақт берилади ҳамда катта эҳтимол билан баҳорнинг сўнгги кунларида Суперлиганинг 4-тур ўйинлари бўлиб ўтиши режалаштирилмоқда.

Эслатиб ўтамиз, чемпионатнинг 3-туридан кейин клублар мажбурий танаффусга чиқиб кетишган эди. 16 мартдан жамоалар машғулотни тўхтатган ва деярли 2 ойдан буён футболчилар уйда якка тартибда шуғулланиб келишмоқда.

4-тур жуфтликлари: 
Бунёдкор – Қўқон-1912
Қизилқум – AГМК
Сўғдиёна – Пахтакор
Насаф – Навбаҳор
Бухоро – Aндижон
Сурхон – Машъал
Металлург – Локомотив