Эшитдик-да: "Пахтакор" ва "Қўқон-1912" ўйинчиларига сал кам 1 ойлик четлатиш берилди

Championat.asia сайти маълумотига кўра, АГМКга қарши ўйинларда қизил карточка олган "Қўқон-1912" ярим ҳимоячиси Дилшод Раҳматуллаев ва "Пахтакор" ҳимоячиси Шерзод Аъзамов 3тадан ўйинга четлатилди.

Эслатиб ўтамиз, Раҳматуллаев АГМК билан баҳсда майдон марказига яқин жойда рақибига нисбатан қўполлик қилгани учун ВАР ёрдамида қизил карточкага лойиқ кўрилганди. Аъзамов эса ўтган турда ҳакамнинг қарорига кескин эътироз билдиргани учун бир вазиятнинг ўзида иккита сариқ карточка олиб майдонни тарк этганди.