Эрон U20 терма жамоаси бош мураббийи: "Ироқ ўзи яратган ягона вазиятдан фойдаланди ва ғалаба қозонди"
11 мар 2023 22:01
Янгиликлар

Эрон U20 терма жамоаси бош мураббийи: "Ироқ ўзи яратган ягона вазиятдан фойдаланди ва ғалаба қозонди"

Теглар : Эрон U-20

Эрон U20 терма жамоаси бош мураббийи, Ироқ терма жамосига қарши кечган баҳсдан сўнг, матбуот анжуманида иштирок этиб, ўйин ҳақидаги фикрлари билан бўлишди.

- Бугунги учрашув ҳақида фикрларингиз?

- Биз ўйинни режа қилганимиздек ўтказа олмадик. Ироқликлар кўпгина курашларда биринчи бўлишди, улар биздан кўра кўпроқ курашишди. Ироқ терма жамоасини ғалаба билан табриклайман.

- Ироқ учрашув давомида берган ягона зарбасидан гол урди, бугунги учрашувда ироқлик футболчининг индивидуал маҳорат сабаб, жамоангиз мағлуб бўлдими?

- Ироқ терма жамоаси бита имконият яратди ва гол урди. Биз эса ушбу ишни бажара олмадик, ўйин сўнгида кўп хужум қилдиқ, вазиятлар яратдик, лекин гол ура олмадик, афсуски.

- Бугунги учрашувда жамоангиз ҳавфли вазиятлар ярата олмади ва зерикарли ўйин ўтказди, бугунги намойиш этган ўйинларингиз, жаҳон чемпионатига йўлланмасига арзир эдими?

- Бугунги учрашув жаҳон чемпионатига йўлланма бергани сабаб, жуда муҳим эди. Шу сабаб, иккала жамоа ҳам таввакал қилишни истамади.