Эрик: "Биз ўзимизни фаворит сифатида кўрсатишни хоҳламаймиз, балки шунчаки чемпионлик учун курашувчи жамоа дея билишларини хоҳлаймиз"

"Марокашга қарши жуда қийин ўтказдик. Сабаби, рақиб юқори савияли жамоа эди. Бироқ устунлигимизни намойиш этган ҳолда ғалаба қозона олдик.

Гарчанд йирик ҳисоб қайд этилган бўлса-да, гуруҳ босқичидаги энг қийин ўйинимиз шу эди. Сабабини юқорида таъкидлаб ўтдим. Ўйлашимча, ғалабага муносиб ҳаракат қилдик.

Нимчорак финалдаги рақибимиз Қозоғистонни таърифлашга ҳожат йўқ. Улар плей-офф босқичида доимий қатнашиб келади. Қолаверса, кучли жамоаларни мағлуб этиш тажрибасига эга. Биз улар билан сўнгги жаҳон чемпионатининг ярим финалида тўқнаш келиб, пеналтилар сериясидагина устун келгандик. Бу сафар эса камроқ куч сарфлаб, ўйинни пеналтиларга қадар олиб бормасдан, зафар қучишга ҳаракат қиламиз. Нима бўлишини вақт кўрсатади.

Турнирда фаворитлар кўп, жумладан, Бразилия, Испания ва Эрон терма жамоаларини тилга олиш мумкин. Биз ўзимизни фаворит сифатида кўрсатишни хоҳламаймиз, балки шунчаки чемпионлик учун курашувчи жамоа дея билишларини хоҳлаймиз, чунки бизнинг менталититимиз шундай. Ҳаммасига босқичма-босқич эришилади", деди биринчи гол муаллифи.

Эслатиб ўтамиз, Португалия гуруҳдаги барча ўйинда ғалаба қозониб, пешқадам сифатида нимчорак финал йўлланмасини қўлга киритди. Ушбу босқичда Хорхе Браз шогирдлари Қозоғистон билан тўқнаш келади.

Оқил Абдубарноев суҳбатлашди.