Элдор Шомуродов "Женоа"да ўзига шерик сифатида кимни таклиф қилади? Футболчининг ўзи жавоб берди

 Суҳбат жараёнида ассоциация матбуот котибининг: "Женоа"дагилар ўзинг билан ўйнаш учун шерик олиб кел деса, кимни танлаган бўлар эдингиз? деган саволига футболчи қуйидагича жавоб берди. 

"Жуда қийин савол. Бу ҳақида ўйлаб кўрмаганман. Терма жамоадан бўлса ҳам фарқи йўқ, ўзимизнинг йигитлардан. "Бунёдкор"да ўйнаган вақтимда Достон Ҳамдамов билан яхши келишиб ўйнардим. Кейинчалик кўп нарсалар ўзгариб кетди. Ҳаётда ким билан яхши муносабатда бўлсангиз, майдонда ҳам ўша билан чиқишиб кетасиз. Фикрингиз бир жойдан чиқиши мумкин. "Жаноа"га қайси футболчи борса ҳам ўша билан кўпроқ мулоқотда бўламан. Демак шу футболчи билан майдонда бир-биримизни тушуниб ўйнаймиз",- дейди Шомуродов.