Дубайдаги мухлислар Хорватияга қарши ўйинга тайёргарлик кўришмоқда

Ушбу ўйинга Ўзбекистон терма жамоаси футбол мухлислари ўзгача тайёргарлик кўришди. Сабаби стадионга ёзувли баннер ёки ҳажми 1 метрдан катта бўлган байроқларни киритишмаяпти. Яхши ҳам Аваз Бердиқулов бор экан, унинг ёрдами билан байроқларимизга рухсат олдик.

Ваҳоланки ФИФА регламенти бўйича стадионга фақат 1х2 ҳажмдаги байроқ киритилишига рухсат этилган.

Кеча 22 октябрь куни ўзбек мухлислари “Дубаи Сафари” дастури бўйича сайр қилишди.

Ҳозирда Ўзбекистондан U-17 Жаҳон чемпионатига борган мухлислар сони 200дан ошди!

Яна бир қизиқ маълумот, ушбу жаҳон чемпионатида ўз юртидан футбол учун келган энг кўп мухлис айнан Ўзбекистон терма жамоасида.

Энг кўп мухлисга эга Марокаш ва Эрон жамоалари мухлисларининг деярли барчаси Бирлашган Араб Амирликларида фаолият юритувчи ва олдиндан шу ерда яшаб келаётган маҳаллий мухлислардир.

Эртанги ўйинимизда барча-барчангиз ва албатта U-17 терма жамоамизга омад тилаган ҳолда шоир айтганидек ВАТАН УЧУН ЖОН ФИДО деб қоламиз!!!

Абдураҳмон Фозилов
Дубай