Достон Турсунов: “Албания яхши таассурот қолдирди”
18 авг 2014 17:26
Янгиликлар

Достон Турсунов: “Албания яхши таассурот қолдирди”

U-19 ёшлар терма жамоамиз айни дамда Туркиянинг Истанбул шаҳрида навбатдаги хориж йиғинини ўтказмоқда.

Равшан Ҳайдаров бошқарувидаги ёшлар терма жамоамиз куни кеча Албания ёшлар терма жамоасига қарши синов-назорат учрашувини ўтказди. Унда вакилларимиз 3:1 ҳисобида ишончли ғалабага эришди. Достон Турсунов бошчилигидаги ҳимоя чизиғи вакиллари шу куни бехато ўйин кўрсатди. Ўйиндан сўнг “Нефтчи” ҳимоячиси Турсунов билан суҳбатлашдик.

- Достон, U-19 ёшлар терма жамоамизнинг Туркияда ташкил этган йиғини қандай ўтмоқда?
- Худога шукур, ҳаммас яхши. Йиғин мураббийларнинг режаси бўйича ўтмоқда дейиш мумкин. Машғулотларда барча футболчилар тўлиқ куч билан астойдил тер тўкмоқда.

- Албания ёшлар терма жамоасига қарши кечган назорат баҳси хусусида нима дейсиз?
- Ўйин яхши бўлди. Шу куни рақибдан кучлироқ ўйин кўрсатдик деб ўйлайман. Бунинг натижасида ғалабага эришдик. Ўзим учрашувда 70-дақиқа ҳаракат қилдим. Мураббийлар барча футболчиларга имконият берди.

- Албаниянинг кучли томонлари нима бўлди?
- Албания ўз номи билан Европа вакилидир. Учрашув давомида бу нарса билиниб турди. Шахсан менда Албания яхши таассурот қолдирди. Бу рақибга қарши эртага яна иккинчи синов-назорат баҳсини ўтказамиз.

- Учрашувдан сўнг мураббийлар нима деди?
- Одатдагидек йўл қўйилган камчиликларни айтиб, уларни бартараф этишимиз учун кўрсатмалар берди. Лекин жиддий эътирозлар бўлмади.

Ҳавола :

Манба : championat.asia

Янгиликларни Телеграмда ўқинг!

Рейтинг: