Доннарумма ПСЖдан кетиш ҳақида ўйламаяпти

ПСЖ посбони Жанлуижи Доннарумма жамоада қолиш истагини билдирди.

"Чемпионатдаги ўнинчи ғалаба бизнинг мақсадимиз эди. Чемпионлар Лигасида ҳаммаси шундай тугагани ачинарли. ПСЖда қолиб, Чемпионлар Лигасида ғалаба қозонишга ҳаракат қиламан.

Соврин бизни хурсанд қилди. Бу йил мен учун бу ерга мослашиш йили бўлди, лекин ҳаммасидан жуда мамнунман. Чемпионлар Лигасидаги натижа билан мухлисларнинг ҳафсаласини пир қилганимиздан афсусдаман, бироқ биз қўлдан бой берилган имконият учун яна ҳаракат қиламиз.

Бу ерга асосий дарвозабон бўлиш учун келганман. Айтганимдек, жорий йил мослашишга сарфланди. Ўзгаришлар осон бўлмади, мен бошқа тилга ва маҳаллий одатларга кўникишим керак эди. Навас билан муносабатларимиз аъло даражада, лекин у айтганидек, бундай рақобатда қатнашиш ҳеч биримизга осон бўлгани йўқ. Вазият, албатта, ўзгариши керак", – деди италиялик.

Аввалроқ ПСЖ бош мураббийи Навас ёки Доннарумманинг ПСЖдан кетишини истисно этмаганди.