Диёр Имомхўжаев: "Ўзбекистон Кубоги финалини қабул қилиш учун даъвогарлар сони кўпайди"

"Кечаги постимиздан сўнг Ўзбекистон Coca-Cola кубогининг финал учрашувига мезбонлик қилиш истагини кечикиб бўлса-да яна беш клуб билдирди: "Насаф", "Шўртан", "Қизилқум", "Турон" ва "Навбаҳор". Демак, даъвогарлар сони эндиликда 10 тани ташкил қилади. Юқоридагилардан ташқари АГМК, "Бунёдкор", "Пахтакор", "Локомотив" ва "Сурхон" ҳам бор.

Аризалар 14 мартга қадар қабул қилиниши белгиланганди. Шундай бўлса-да, биз кечиккан клублар аризасини ҳам қабул қиламиз. Зеро айрим клублар раҳбарларининг бепарволиги, ўша ҳудуд мухлисларини эҳтимолий финалдан мосуво қилмаслиги керак деган хулосага келдик.

Ариза топширган 10 та стадион ичидан регламент талабларига жавоб бера оладиганлари танлаб олинади ва улар 18 март куни бўлиб ўтадиган қуръа маросимига даъвогар сифатида киритилади", - деб ёзади Диёр Имомхўжаев телеграмдаги ўз каналида.