Ди Франческонинг майдондаги асосий муаммоси

Эусебио Ди Франческонинг салбий томони "Рома" — "Виртус Энтелла" ўртасидаги баҳсда ёрқин намоён бўлди (4:0). Мураббий қанотдан ҳужумга ҳаддан зиёд кўп эътибор беради. Лекин ўзи буни сезмаяпти, чоғи. Маълумотларга қараганда, "Рома" ҳужумининг 89%и марказдан уюштирилган. Бироқ, марказдан уюштирилган ҳужумларнинг 71%и эса бесамар кетмоқда.

Бундай тактика ҳимоядаги баъзи ўйинчиларга ҳам катта таъсир қилади. Флоренци билан ҳаммаси тушунарли: ўйинчи фаолиятини қанот ярим ҳимоясида бошлаган. Мураббийлар эса унинг аввалги позициясидан унумли фойдаланишади. "Энтелла"га қарши баҳсда Карсдорпнинг ўйин услуби худди Флоренциники каби тушунарсиз бўлди. У Кубок ўйинининг 15-21 ва 60-71-дақиқалари оралиғида ўнг қанот ярим ҳимоячиси позициясида ўйнади.

Ди Франческо тактикаси "Виртус Энтелла" каби бироз кучсиз жамоаларга қарши баҳсларда қўл келади. Бундан Италиянинг кўплаб клублари фойдаланишди. "Рома"нинг услубига мослашиб, унга қарши ўйнай бошладилар. Қанотда содир бўлаётган бу муаммодан "қутилиш" учун "Рома" кучли марказий ярим ҳимоячиларни клубга олиб келиши керак. Ҳа, шундай демиз-у, лекин Стротман, Наингголан ва Пьянич бу жамоада ўйнаганида тактикада ҳам, тўпга эгалик қилиш борасида ҳам ҳеч қандай ўзгариш бўлмаганди. Футболчилар барибир қанотдан кўпроқ ҳужум бериб ўйнашган эди.

Нозима Зарипова тайёрлади