Даврон Каримқулов: "Биз ўз ўйинимизни кўрсата олмадик"
30 июл 2016 16:49
Янгиликлар

Даврон Каримқулов: "Биз ўз ўйинимизни кўрсата олмадик"

“Бунёдкор” – “Металлург” жамоалари дастлабки чорак финал учрашувидан кейин бекободликлар ҳимоячиси Даврон Каримқулов ўйин ҳақидаги ўз фикрларини билдирди.

- Афсуски, бугун биз ўз ўйинимизни намойиш эта олмадик. Биринчи давра охирида жамоанинг барча ўйинчилари оптимал формага кириб олишганди. Чемпионатдаги пешқадамларнинг барчасига муносиб қаршилик кўрсатгандик. Бугун эса “Бунёдкор”га биринчи навбатда тезликда ютқаздик. Тошкентликлар шу тезликларига мос тез ва аниқ фикрлашлари эвазига ҳам бизни ортда қолдиришди. Ўтказиб юборилган голларда биз ҳимоя чизиғи вакилларининг хатолари бирламчи бўлганлиги бу борада чемпионат ўйинларигача ишлашимиз кераклигини кўрсатди. Худо хохласа, Жиззахдаги учрашувгача бу мағлубиятни унутамиз ва сафар учрашувига жиддий ҳозирлик кўрамиз. Иккинчи даврада осон ўйинларнинг ўзи бўлмайди. Аммо биз худди биринчи даврадагидек ишқибозларимизни хурсанд этишга бел боғлаганмиз, - дейди Даврон Каримқулов.

"Металлург" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +3