Даврон Файзиев: "Ихтиёр Тошпўлатовнинг йўқлиги билинди"
29 окт 2016 19:58
Янгиликлар

Даврон Файзиев: "Ихтиёр Тошпўлатовнинг йўқлиги билинди"

"Сўғдиёна" - "Қўқон-1912" (1:1) учрашувидан сўнг мезбонлар устози Даврон Файзиев ўз фикрларини билдирди.

"Сўнгги дақиқаларда гол ўтказиб ғалабани қўлдан чиқардик. Бугун икки жамоа ҳам футболда чегарадан чиқиб курашди. Бизда голлар уриб ғалабани мустаҳкамлаб олиш имкониятлари бўлганди.

Ихтиёр Тошпўлатовнинг йўқлиги билинди. У бўлганида ижобий натижага эришган бўлардик. Бугун мухлисларбоп ўйин бўлди. Иккала жамоа ғалабага яқин келди.

Ҳисобда олдинга чиққанимиздан сўнг футболчилар бўшашишди, натижада гол ўтказдик. Қаҳрамон Баҳодиров жароҳат олиб майдонни тарк этди. Бундан ташқари Иззат Абдуллаевни майдонга туширдим. Бу ёш футболчидан гол кутгандим, афсус ҳаяжон туфайли ўйинга киришиб кета олмади", - дейди Файзиев.

“Сўғдиёна” матбуоти хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +2