"Gerta"ga qarshi o'yinni ko'rishga borgan Gentnerning otasi o'yindan keyin vafot etdi.
Bahs yakunlanganidan so'ng Gentner maydonda televidenie uchun intervyu berdi va ichkariga kirib ketdi. Tez orada u tribunaga otilib chiqdi. U yerda vrachlar futbolchining otasini qutqarib qolish uchun kurashayotgandi. Biroq barcha harakatlar besamar bo'ldi.
"Shtutgart" va "Gerta" klublari futbolchiga chuqur taziya bildirishdi.
Gentner jamoasi kecha 2:1 hisobida g'alaba qozondi. Klub avvaliga 0:1 hisobida mag'lub bo'layotgandi. Keyinchalik Mario Gomes ikki gol kiritdi. Uning ikkinchi goliga aynan Gentner hammuallif bo'ldi.
