“Чиғатой”да болалар ва ўсмирлар мураббийлари учун ўқув-курслари бўлиб ўтди

Ўқув курсида Тошкент ва Тошкент вилоятидаги футбол мактабларида фаолият юритувчи жами 30 нафар болалар ва ўсмирлар мураббийлари иштирок этишди. ЎФФ инструктори Дмитрий Ким  томонидан мураббийлар учун назарий ва амалий машғулотлар ўтказилди. Дмитрий Кимга Тошкент шаҳридаги болалар ва ўсмирлар спорт мактабида мураббий бўлиб ишловчи Владимир Панов ассистентлик қилди.

Ўқув курси якунида мураббийлар олинган билимлар бўйича амалий ва назарий имтиҳонлар топширишди. Имтиҳонлардан муваффақиятли ўтган мураббийларга ЎФФ томонидан лицензиялар тақдим этилади.

Бундай ўқув курсларини ташкил қилишдан асоси мақсад болалар ва ўсмирлар футболи бўйича иш олиб бораётган мураббийларнинг малакасини ошириш, уларнинг замонавий билим ва кўникмаларга эга бўлишларини таъминлашдан иборат.