“Chelsi” “Brayton”ning 22 yoshli himoyachisi Ben Uayt uchun kurashda “Liverpul”ni dog'da qoldirishni istamoqda. Ben Uayt 2016 yildan beri “Brayton” a'zosi hisoblanadi. Ammo futbolchi so'nggi 3 mavsumni ijara asosida boshqa klublarda o'tkazdi. Jumladan, 2019/20 yilgi mavsumda Uayt “Lids” safida harakat qildi. U klub safida 46 ta o'yin o'tkazdi va jamoasining APLga qaytishiga yordam berdi. Ma'lum bo'lishicha, “Brayton” Uaytni sotishga qarshi emas, faqat buning uchun 20 mln funt sterling to'lansa bas.
