"Челси" "Боруссия Д"нинг икки футболчисига қизиқиш билдирмоқда

Бу ҳақда "Sky Sports" хабар бермоқда.

Хабар қилинишича, англияликлар дарвозабон Грегор Кобель ва вингер Карим Адейемига кўз тиккан. "Кўклар" Кобель билан ёзда шартнома имзолаши мумкин, чунки клуб дарвозабонлар билан боғлиқ вазиятдан умуман қониқмаяпти. Лондонликлар аллақачон швейцариялик посбоннинг вакиллари билан бир неча бор мулоқот қилишган. 27 ёшли Кобелнинг ўзи эса ҳозирча бу трансферга қизиқмаяпти.

Шунингдек, "Челси" анчадан бери 22 ёшли Адейемига даъвогарлик қилмоқда. Футболчига улардан ташқари АПЛнинг бошқа жамоалари ҳам қизиқмоқда.

Грегор Кобель жорий мавсум "Боруссия" таркибида 18 ўйинда қатнашиб, 26 та гол ўтказиб юборди ва 5 та ўйинда дарвозани "қуруқ" сақлади. Карим Адейеми эса 8 ўйинда 5 та тўп киритди ва 3 та голга ассистентлик қилди.