Championat.asia ва Transfermarkt август ойнинг энг яхшиларини аниқлади
09 сен 14:58
Янгиликлар
![](https://championat.asia/upload/storage/801213_original.jpg)
![](/upload/storage/801213_220.jpg)
Championat.asia ва Transfermarkt август ойнинг энг яхшиларини аниқлади
Сўровнома натижаларига кўра Рўзиқул Бердиев Ўзбекистон чемпионатининг август ойидаги энг яхши мураббийи бўлди. "Насаф" унинг қўл остида тўртта учрашувда худди шунча ғалабага эришди. Қарши клуби 17 турдан кейин энг яқин таъқибчисидан (ОКМК) 6 очко олдинда ва турнир жадвалида пешқадамлик қилмоқда. Бердиев 52 фоиз овоз билан ғолиб чиққан бўлса, иккинчи ўринни "Сурхон" бош мураббийи Февзи Давлетов (26 фоиз) банд этди.
"Насаф" тўртта учрашувда бирорта ҳам гол ўтказиб юбормасдан тўртта ғалабага эришди. Бунда эса дарвозабон Абдувоҳид Неъматовнинг хизматлари катта. Айнан Абдувоҳид Неъматов Суперлиганинг август ойидаги энг яхши футболчиси деб топилди – унга резидентларнинг 42 фоизи овоз берди. Сўровномада иккинчи ўрин ОКМК ҳужумчиси Клейди Дацига насиб қилди, у тўртта ўйинда учта гол урганди (21 фоиз овоз). Бир оз камроқ, яъни 16 фоиз овозни "Сўғдиёна" ярим ҳимоячиси Владимир Йовович қўлга киритди – у тўртта ўйинда иккита гол урди.
Ўхшаш янгиликлар
![AMP Logo](https://championat.asia/image/logo-amp.png)
Фикрлар