"Цементчи" жамоаси тақдирланди (ФОТОГАЛЕРЕЯ)

Тадбир жуда ҳам кўтарингки кайфиятда ўтди. Тадбирда жамоанинг барча футболчилари, мураббийлари билан бирга бир қатор расмий инсонлар ҳам иштирок этди. Жумладан, Қувасой шаҳар ҳокими Адхамжон Зиявитдинов Тўхтасинович, Фарғона вилояти Футбол Федерацияси вице-президенти Ҳакимжон Файзиев, “Нефтчи” ПФК раиси Тохир Кападзе, Жамоа президенти Мўйсинжон Дадажонович Меҳмонов, жамоа вице-президенти Шухратжон Мухидинов ҳамда "Футбол Экспресс" газетаси мухбири Абдулҳафиз Абдулазиз ўғли ҳам иштирок этди.

Тадбирга йиғилганларни водий булбули хушовоз хонанда Отабек Мухаммадзохид ўз қўшиқлари билан  хушнуд этиб турди.

Тадбир давомида катта монитор орқали "Омад студио"си томонидан таёрланган “Цементчи” жамоасининг мавсум давомидаги энг хаяжонли онларидан иборат  махсус видеоролик намойиш этилди.

Шундан сўнг, шаҳар ҳокими Адхамжон Тўхтасинович ва жамоа президенти Мўйсинжон Дадажонович томонидан барча жамоа аъзоларига қимматбаҳо совғалар билан бирга  Ўзбекистон футбол Федерациясининг медаллари ва  фахрий ёрлиқлари топширилди.

Тадбир сўнггида эса мухлислар, жамоа раҳбари ва мутахасислари ўртасида ўтказилган сўровнома натижаларига кўра жамоанинг "Энг яхши"лари эълон қилинди ва махсус кубоклар ўз эгаларига топширилди.

Унга кўра ўтган 2017 йилги мавсумнинг "Энг яхшилари" деб жамоанинг қуйидаги футболчилари эътироф этилди ва тақдирланишди.

“Энг яхши ҳимоячи” - Оқилбек Маҳмудов
“Энг яхши ярим ҳимоячи” - Маъруф Зокиржонов
“Энг яхши ҳужумчи ва тўпурар” - Абдул Азиз Юсупов
“Энг фойдали ўйинчи” – Суннатилла Эрматов
“Йил кашфиёти” ва йилнинг “Энг яхши ўйинчиси” – Отабек Аҳмаджонов  

Тадбрнинг энг диққатга сазовор томони, сўзга чиққан жамоа президенти Мўйсинжон Меҳмонов жамоа аъзоларининг олдига янги мавсумда Суперлигада ҳам кучлилар сафига кириш вазифасини қўйди!

Шу тариқа жамоа аъзолари янги мавсум олдидан ажойиб тадбир ўтказди ва ўз олдига аниқ вазифани белгилаб олди.

"Цементчи" матбуот котиби Зухриддин Абдуллажонов