"CAFA Womenʼs Futsal Championship 2023". Қирғиз Республикаси устози: "Эронда футзал лигалари талайгина, ҳозирча уларга қарши кураш олиб бориш қийин"

- Илк ўйиндан таассуротлар қанақа?

- Кўп футзалчиларимиз бу каби мусобақада биринчи марта иштирок этмоқда. Яна улар катта футболдан кириб келишган. Шунинг учун пала-партишлик кузатилди. Илк 4-5 дақиқада бир нечта голлар ўтказиб юбордик. Шундан сўнг тинчландик. Умуман олганда, муносиб ҳаракат қилдик, деб ўйлайман. Маҳорат етишмаганини айтмаса, борларини бериб ўйнашганидан мамнунман. Эронда футзал лигалари талайгина, ҳозирча уларга қарши кураш олиб бориш қийин. Ўз футболимизни намойиш қилдик. Қизларимизга раҳмат айтаман. Келажакда қизиқарлироқ ўйин кўрсатамиз, деган умиддаман. 

- Ушбу мусобақа спортчилар учун қанчалик муҳим?

- Ушбу турнир илк марта ўтяпти, яна йилда бир марта. Бундай мусобақалар 2-3 та бўлганида, футзал жамоасини астойдил шуғуллантирган бўлардик. Бизда футзал йўқ, фақат катта футбол мавжуд. Мусобақага 2-3 ҳафта қолганида йиғилиб, қизларимизни футзал баҳсларига тайёрламоқдамиз.