"Бухоро" - "Навбаҳор" учрашувидан сўнг бўлган гаплар

Дастлаб "Навбаҳор" бош мураббий Александр Волков учрашув тўғрисида ўз фикрини билдирди. - "Бухоро"ни ғалаба билан табриклайман. Ўйин кутилганидек курашларга бой бўлди. Учрашув бошида баъзи содир этган вазиятларимиздан фойдалана олмадик. Сўнгра ўз дарвозамиздан аламли тўп ўтказиб юбордик. Умуман олганда мухлисларга бугунги беллашув манзур бўлди деб ўйлайман. Аслида жамоамизнинг ўйинини қовушди дейиш мумкин, бироқ голларни "Бухоро" урди. Бизга доимгидек вазиятларни голга айлантириш етишмади. Иккинчи даврада таркибда ўзгаришлар бўлишини вақт кўрсатади. Буни ҳозир айтиш қийин. Ха, раҳбарият бир нечта янги ўйинчиларни клубга таклиф қилишни режалаштирган.

Матбуот анжуманининг иккинчи қисмида "Бухоро" бош мураббийи Жамшид Саидов иштирок этди. - Оғир ўйин ўтказдик. Лекин нима бўлган тақдирда ҳам йигитларга рахмат айтиб, уларни ғалаба билан табрикламоқчиман. Нима сабабдан сўнгги 10 дақиқада бўш ўйин кўрсатганимизни ўрганиб чиқамиз. Нимага ҳимояланганимизни ўзим ҳам тушунмадим. Об-хаво шароити балки футболчилар ҳаракатига таъсир ўтказган бўлиши мумкин. Шу боис бироз ланж ўйин кузатилди. Гол ўтказиб юборгунимизга қадар яхши ҳаракатланаётгандик. Ҳисоб қисқаргач шогирдларим тушкунликка тушиб қолишди. Бугунги учрашувни унутиб, навбатдаги "Локомотив"га қарши ўйинга тайёргарлик кўрамиз.