"Бухоро" 11 йилдан кейин илк бор қуйи лигага тушиб кетди, "Андижон" плей-оффда ўйнайди
03 дек 2020 16:00
Янгиликлар

"Бухоро" 11 йилдан кейин илк бор қуйи лигага тушиб кетди, "Андижон" плей-оффда ўйнайди

2020 йилги Суперлига баҳслари якунига етди.

Сўнгги турдан кейин қуйи лигага қайси жамоа тушиб кетиши аниқ бўлди.

Олмалиқда АГМКга 1:3 ҳисобида ютқазган "Бухоро" сўнгги ўринда қолди ва Про лигага тушиб кетди. Сўнгги бор "Бухоро" 2009 йилги мавсумда қуйи лигага тушиб кетган ва 2010 йилда элитага қайтганди.

13-ўринни эса бугун "Пахтакор"га мағлуб бўлган (0:2) "Андижон" эгаллади ва лигада қолиш учун плей-офф баҳсида "Нефтчи"га қарши ўйнайдиган бўлди.

Сўнгги турда ўз майдонида "Сўғдиёна"га ютқазган (1:2) "Сурхон" 12-ўринни ҳам Суперлигадаги ўз ўрнини ҳам сақлаб қолди.

Эслатиб ўтамиз, Про лигада Яйпаннинг "Турон" клуби биринчи ўринни олди ва Суперлигага йўлланмани қўлга киритди.