"Бунёдкор" вакили, "Андижон" дарвозабони ва ҳимоячиси "Пахтакор" машғулотларига қўшилди
11 янв 2022 15:33
Янгиликлар

"Бунёдкор" вакили, "Андижон" дарвозабони ва ҳимоячиси "Пахтакор" машғулотларига қўшилди

Ўзбекистон чемпиони "Пахтакор" клуби Тошкентда янги мавсумга тайёргарликни давом эттирмоқда.

"Шерлар"нинг бугунги машғулоти янги бош мураббий Славче Войнески қўл остида ўтказгани ҳақида хабар бердик.

Ушбу машғулотда жамоа сафида ўтган мавсум "Бунёдкор"да ўйнаган Авазбек Ўлмасалиев ҳам иштирок этди. Бундан ташқари "Андижон"дан дарвозабон Элдор Адҳамов ва ҳимоячи Сардор Хурсандов ҳам "шерлар" сафида шуғулланишди.

Олдинроқ хабар берганимиздек, "Пахтакор" машғулотида Сардор Рашидов ҳам қатнашмоқда.