“Бунёдкор” – “Ал-Наср". Ўйинолди матбуот анжумани
28 фев 2016 11:57
Янгиликлар

“Бунёдкор” – “Ал-Наср". Ўйинолди матбуот анжумани

Эртага, душанба куни “Бунёдкор” стадионида “Ал-Наср”га қарши бўладиган баҳс олдидан ўйинолди матбуот анжумани ташкил этилади.

Соат 12:15да бошланадиган тадбирнинг биринчи қисмида “Ал-Наср” бош мураббийи Рауль Канеда ва футболчилардан бири ОАВ вакиллари саволларига жавоб қайтаради.

Шундан сўнг “Бунёдкор” устози Сергей Лушчан ва етакчи футболчилардан бири журналистлар билан мулоқотга киришади.

Шунингдек, 29 февраль куни ҳар иккала жамоа расмий машғулотини ўтказади. “Қалдирғочлар” соат 17:00дан эътиборан “Бунёдкор” стадиони майсаларини синаб кўришса, саудияликлар соат 18:00дан бошлаб асосий майдонда машқ қилшади. Ҳар иккала машғулотнинг дастлабки 15 дақиқаси журналистлар учун очиқ бўлади.

“Бунёдкор” – “Ал-Наср” учрашуви олдидан ташкил этиладиган ҳар иккала тадбирга ОАВ вакилларини таклиф этамиз.

Эслатиб ўтамиз, Осиё Чемпионлар лигаси-2016 2-тури доирасидан ўрин олган “Бунёдкор” – “Ал-Наср” учрашуви 1 март куни “Бунёдкор” стадионида соат 18:00да бошланади.

Ҳавола :

Манба : fcbunyodkor.com

Янгиликларни Телеграмда ўқинг!

Рейтинг: +7