UZ

Сўнгги янгиликлар

14:50Фоден бугун ўйнамайди  0 14:30ЕЧЛ. "Қайрат" - "Реал" ўйини учун чипталар нархи қанча?  4 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  3 13:35Аканжи "Манчестер Сити"ни Лондон клубига алмаштириши мумкин  0 13:14Гарначо "Челси"га ўтиш ҳақида: "Жаҳон чемпионлари сафига қўшилганимдан бахтиёрман. Биз - дунёнинг энг яхши жамоасимиз!"  5 12:50"Барселона" Ла Лигада Шенснини рўйхатдан ўтказди  1 12:22"Фенербахче" Эдерсоннинг трансфери устида ишламоқда. "Ман Сити" дарвозабонни "Галатасарой"га 10 млн еврога сотмади  1 11:58Меҳди Таремининг янги клуби маълум  2 11:31Аканжи "Милан"нинг шартларини қабул қилмаяпти, "Сити" ҳимоячиси EЧЛда ўйнашни истамоқда  0 10:31Германияга етиб борган Жексоннинг "Бавария"га ўтиши бекор бўлди. Нега?  3 10:00Салоҳ АПЛ чемпионлигига асосий даъвогар жамоа номини айтди  8 09:32Украиналик футболчи учун курашда "Бенфика" ютиб чиқди  1 08:40Бухорога Суперлига ўйинларини қайтариш ҳаракати бошланди  8 08:17Sofascore. Захирадан майдонга тушган Ўринбоев энг катта баҳолардан бирини олди  5

“Бунёдкор-2006” Россиядаги турнир финалида! Янгиликлар

“Бунёдкор-2006” Россиядаги турнир финалида!

Теглар :  БунёдкорРоссия
Тошкентнинг “Бунёдкор” футбол клубининг 2006 йилда таваллуд топган тарбияланувчилари айни кунларда Россиядаги халқаро турнирда иштирок этишмоқда.

Акмал Рисқуллаев бошчилигидаги тарбияланувчиларимиз Ставрополь ўлкасида Россия қаҳрамони Владислав Духин хотирасига бағишланган халқаро мусобақада муваффақиятли иштирок этишмоқда.

Турнирда жами 12та жамоа 4та гуруҳга бўлинган ҳолда ғолиблик учун курашга киришишган эди. Биринчи турда вакилларимиз Новопавловскнинг “Каскад” жамоаси устидан 11:0 ҳисобида ғалаба қозонди. Голларга Абдураҳмон Абдусаматов (3та), Абдураҳим Исмоилов (3та), Никита Карпенко (3та), Отабек Болтаев ва Муслим Жамолиддинов муаллифлик қилишди.

Иккинчи тур учрашувда Ставрополнинг “Кожанный мяч” клуби билан куч синашилди ва унда ҳисоб очилмади – 0:0. Шу тариқа, ёш “қалдирғочлар” гуруҳда биринчи ўрин билан чорак финалга йўлланма олишди.



1/4 финалда Астраханнинг “Волгарь” клуби 1:0 ҳисобида мағлубиятга учратилди. Учрашув тақдирини ҳал қилган ягона гол Шамсиддин Турсунмаҳаммадов томонидан киритилди.

Ярим финал учрашуви анчайин қизиқарли ва кескин курашларга бой тарзда ўтди. Белгороднинг “Радуга” клубига қарши кечган баҳснинг асосий қисмида кучлар тенг келди – 1:1. Жамоамизнинг ягона голини шу куни ўзининг таваллуд айёмини нишонлаган Абдураҳим Исмоилов киритдию Асосий вақтда дуранг қайд этилгач, ғолиб пенальтилар сериясида аниқланди. “Лотореялар баҳси”да тарбияланувчиларимиз омадлироқ чиқишди ва рақибдан 4:2 ҳисобида устун келишди.

Эртага маҳаллий вақт билан 14:00да (Тошкентда 16:00 бўлади) ҳал қилувчи финал учрашуви бошланади. Унда Акмал Рисқуллаев бошчилигидаги “Бунёдкор-2006” жамоаси “Краснодар” клуби тарбияланувчилари билан куч синашади.

Вакилларимизга финал учрашувида омад ва зафарлар тилаб қоламиз.

Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика