Бундеслига: "Герта" "Бавария" билан боғлиқ 9 йиллик нохуш анъанага чек қўядими? (превью)
28 сен 2018 16:46
Янгиликлар

Бундеслига: "Герта" "Бавария" билан боғлиқ 9 йиллик нохуш анъанага чек қўядими? (превью)

Бундеслигада навбатдаги турни бугунги "Герта" ҳамда "Бавария" ўртасидаги баҳс очиб беради.

Мавсумни ажойиб старт билан бошлаган ва ўтган турда очко йўқотган жамоалар баҳси - "Герта" - "Бавария".

Герта

Ведад Ибишевич - 23', Ондрей Дуда - 44'

Бундеслига . 6-тур

29/09/2018, 00:30

Тугади

Бавария

Стадион: Olympiastadion, 74669 томошабин

Бош ҳакам: Marco Fritz

45'

90'

Матч-центрда очиш

Турнир жадвали етакчиларининг ўзаро тўқнашувида жамоалар ўтган натижа тасодиф бўлганини исботлаш учун ҳам ўзгача ёндошувда майдонга чиқишади. Бу иккала жамоага тақвимнинг жуда зич ва тиғизлиги бироз таъсир кўрсатди.

Аммо "Герта"нинг "Вердер"дан учраган мағлубияти, "Бавария"нинг ўз уйида очко йўқотгани уларнинг турнир жадвалидаги ҳолатига жиддий таъсир кўрсатгани йўқ.

"Герта"ни безовта қилаётган жиҳат шуки, жамоа дарвозасига кетма-кет 5 ўйиндан буён пенальти қўйишмоқда. Бугунги баҳсда Поль Дардаи ҳимоячиларидан ўз жарима майдончалари ичида анча эътиборлироқ, эҳтиёткор ва тартибли ўйнашни талаб қилиши аниқ. "Герта" ўтган ўйинда асосий дарвозабони Руне Ярстенни йўқотди. Эндиликда жамоа дарвозасини собиқ "бавариячи" Томас Крафт эгаллайди.

Нико Ковач эса таркиб борасида ортиқча муаммолардан ҳоли. Тўғри, жамоа лазарети бўш эмас. Аммо "Бавария"да жароҳатланган футболчилар Коман, Рафинья, Толиссо ва Горецкани ўрнини босадиган ижрочилар етарлича топилади. Шу боисдан ҳам кадрлар муаммочи Ковачни кўп ҳам безовта қилмайди.

Ковачни безовта қилаётган жиҳат шуки, жамоа кетма-кет ғалабали серияларни дуранг туфайли бузиб қўйди. Бугунги пойтахтда ўтадиган баҳс орқали Ковач "Бавария"нинг ўтган турдаги муваффақиятсизлиги шунчаки тасодифлигини исботлаш. Мавсумни яхши бошлаган ва айни пайтда жаҳлдор кайфиятда бўлган "Герта" меҳмони бўлиш эса нисбатан анча хавфли.

Қизиқ тарафи, "Бавария"нинг "Герта" билан ўтказган охирги тўрт учрашувида мюнхенликларни 4 хил мураббий бошлаб тушган: Анчелотти, Саньол ва Хайнкес. Ўтган учала баҳс хар ҳил ҳисобдаги дуранглар билан якун топган. Энди эса жамоа рулида Нико Ковач. Хорватиялик мутахассис дуранглар сериясини ғалабага ўзгартира оладими, деган савол ҳозирда кун тартибида турибди.

Қайд этиш керакки, "Бавария" 2009 йилдан буён "Герта"га ютқазмай келмоқда. Поль Дардаи кўп йиллардан буён давом этаётган нохуш анъанага чек қўя оладими

Ўзаро ўйинлар тарихи:

Ушбу жамоалар Бундеслига доирасида жами 66 маротаба тўқнаш келишган. "Бавария" ҳисобида 38 ғалаба мавжуд, "Герта" эса 9 бор ғалабани тантана қилган. Жамоалар 19 марта дуранг натижасини қайд этишган. Тўплар нисбати: 152-71.