Бундан 65 йил муқаддам Бразилия илк марта жаҳон чемпионлигини қўлга киритганди
29 июн 2023 21:22
Янгиликлар

Бундан 65 йил муқаддам Бразилия илк марта жаҳон чемпионлигини қўлга киритганди

Теглар : Жаҳон чемпионати-1958 Бразилия

Бундан роппа-роса 65 йил муқаддам, 1958 йилнинг 29 июнида Сольнада Бразилия ва Швеция терма жамоалари ўртасидаги жаҳон чемпионати финал учрашуви бўлиб ўтганди.

Мазкур баҳсда Бразилия терма жамоаси 5:2 ҳисобида зафар қучган.

Ўша оқшом бразилияликлар сафида Вава ва Пеле иккитадан гол уришган, Загалло эса яна бир голга муаллифлик қилган.

Бразилия терма жамоаси учун бу жаҳон чемпионатидаги илк ғалаба бўлган. Кейинчалик бразилияликлар яна тўрт марта - 1962, 1970, 1994 ва 2002 йилларда турнир ғолибига айланган.

Агар кейинги бешта жаҳон чемпионатини оладиган бўлсак, "селесао"нинг энг яхши натижаси 2014 йилги мундиалда тўртинчи ўрин бўлиб турибди. Қатарда бўлиб ўтган сўнгги жаҳон чемпионатида бразилияликлар 1/4 финал босқичидаёқ мусобақа билан хайрлашди.

Ҳавола :

Манба : championat.asia

Янгиликларни Телеграмда ўқинг!

Рейтинг: +3